Taxus x media

Ættkvísl

Nafn

x media

Íslenskt nafn

Ætt

Ýviðarætt (Taxaceae).

Lífsform

Sígrænn runni.

Kjörlendi

Hálfskuggi (sól).

Blómalitur

kvk grænt ber.

Blómgunartími

Júní.

Hæð

1-5 m ?

Vaxtarhraði

Hægvaxta.

Vaxtarlag

Blendingur T. baccata × T. cuspidata, sem líkist báðum foreldrunum. Pyramidalaga, breiður runni með fremur útstæðar greinar, kröftugri en T. baccata. Ársprotar ólífugrænir, oft rauðleitir sólarmegin, eldri greinar ólfíugrænar oft með rauðleitri efri hlið.

Lýsing

Brumhlífar snubbóttar, dálítið kjalaðar. Barrnálar líkar og á T. cuspidata en samt alltaf greinilegra tvískiptar og oft láréttar og útbreiddar, þar að auki aðgreindar á ólífugrænum greinum, þær líkjast meira nálum Taxus cuspidata og er aðgreindur frá T. baccata á stinnari og breiðari barrnálum með minni odd, meira áberandi miðtaug og nálapúða sem breikkar snögglega í barrlegginn/lauflegginn. Blómin sitja í blaðöxlum á fyrra árs greinum, einkynja ♂ blóm sem hnattlaga þyrping af frævlum, ♀ blómið er eins og lítið grænt ber, sérbýlisplanta, eitt fræ er í hverjum berköngli og er umlukið rauðri frækápu.

Uppruni

Garðablendingur.

Harka

5

Heimildir

1,7

Fjölgun

Sumargræðlingar í ágúst-september.

Notkun/nytjar

Í norður og austur jaðri beða.

Reynsla

Hefur þrifist vel í Lystigarðinum og kelur þar lítið sem ekkert.

Yrki og undirteg.

Fjöldi yrkja í ræktun.