Syringa tomentella

Ættkvísl

Nafn

tomentella

Ssp./var

ssp. yunnanensis

Höfundur undirteg.

(Franch.) Jin Y.Chen & D.Y.Hong

Íslenskt nafn

Ætt

Smjörviðarætt (Oleaceae).

Samheiti

Syringa yunnanensis Franch

Lífsform

Lauffellandi runni.

Kjörlendi

Sól.

Blómalitur

Skeljableikur.

Blómgunartími

Júlí.

Hæð

- 3 m

Vaxtarlag

Lauffellandi runni, allt að 3 m hár, uppréttur, mjósleginn í vextinum, greinar grannar, sveigjanlegar. Ársprotar dúnhærðir, rauð-grænir, vörtóttir.

Lýsing

Lauf allt að 8 sm, oddbaugótt eða mjó-öfugegglaga, odddregin, mjókka að grunni, ólífugræn ofan, bláleit neðan, hárlaus, jaðrar randhærðir. Laufleggir rauð-grænir. Blómin í endastæðum dúnhærðum skútum, allt að 15 sm löngum. Blómin ilmandi, skeljableik, lýsast með aldrinum, krónuflipar uppréttir. Frjóhnappar skærgulir. Bikar hárlaus, bollalaga, með örlitlar tennur, rauðgrænn.

Uppruni

Kína.

Harka

6

Heimildir

1

Fjölgun

Sumargræðlingar, sáning.

Notkun/nytjar

Í beð, í þyrpingar, sem stakstæðir runnar eða óklippt limgerði.

Reynsla

Í Lystigarðinum er til ein gömul planta, ein sem sáð var til 1981 og gróðursett í beð 1985 og ein aðkeypt planta sem var gróðursett í beð 1983. Kala yfirleitt lítið, eru orðnar stórir runnar sem blómstra árlega.

Yrki og undirteg.

RoseaBlómin í löngum, grönnum skúf, skærbleik, lýsast með aldrinum.