Syringa meyeri

Ættkvísl

Nafn

meyeri

Íslenskt nafn

Ætt

Smjörviðarætt (Oleaceae).

Lífsform

Lauffellandi runni.

Kjörlendi

Sól.

Blómalitur

Blá-bleikur eða gráfjólublá-bleikur.

Blómgunartími

Júlí.

Hæð

- 2 m

Vaxtarlag

Lauffellandi, uppréttur runni, allt að 2 m hár, þéttvaxinn.

Lýsing

Lauf breið-egglaga til (oftast) meira eða minna kringlótt, 1-3 × 1,3 sm, með par af æðastrengjum við grunninn sitt hvoru megin við miðstrenginn, hárlaus nema við grunninn á aðalstrengnum á neðra borði. Grunnur bogadreginn til næstum hjartalaga, oddur stutt-odddreginn. Blómskipanirnar vaxa frá pari af hliðarbrumum en greinilega frá endastæðum brumum. Þær vaxa stundum líka frá hliðarbrumum neðar á stilknum. Blómskipanirnar eru 3-9 sm langar, nokkuð þéttblóma, dúnhærðar. Blómin ilmandi. Bikar um 1 mm langur, heilrendur eða með ógreinilegar tennur, hárlaus til fín-dúnhærður. Króna blá-bleik eða gráfjólublá-bleik. Krónupípa ögn trektlaga, 6-8 mm, krónuflipar 1,5-2 mm, verða baksveigðir. Frjóhnappar eru inni í krónupípunni eða í pípuopinu. Hýðin eru sívöl-sporvala, um 1 sm löng með dreifðum korkfrumum.

Uppruni

N Kína.

Harka

H1

Heimildir

2, http://davesgarden.com

Fjölgun

Sumargræðlingar, skipting á rótarhnaus, sáning t.d. utandyra að haustinu í sólreit.

Notkun/nytjar

Í beð, þyrpingar, sem stakstæður runni.

Reynsla

Ekki í Lystigarðinum, en hefur verið sáð (2010).

Útbreiðsla

AÐRAR UPPLÝSINGAR: Hægt að safna fræi ef plantan fá að þroska fræ fram eftir haust.