Syringa komarowii

Ættkvísl

Nafn

komarowii

Ssp./var

ssp. komarowii

Íslenskt nafn

Ætt

Smjörviðarætt (Oleaceae).

Lífsform

Lauffellandi runni.

Kjörlendi

Sól.

Blómalitur

Purpurarauður til bleikrauður, hvítur á innra borði.

Blómgunartími

Júlí.

Hæð

3-4 m

Vaxtarlag

Lauffellandi, uppréttur runni, 3-4 m hár eða hærri. Greinar ljósbrúnar, vörtóttar, ögn hærðar í fyrstu.

Lýsing

Lauf egglaga-aflöng til dálítið oddbaugótt-lensulaga 6-16 × 2,5-8 sm löng, mjókka til beggja enda, langydd, hárlaus ofan, dálítið hærð á neðra borði á æðastrengjunum, Grunnur dálítið snubbóttur til (oftast) yddur, oddur breiðyddur til nokkuð odddreginn. Blómskipunin endastæð, meira eða minna upprétt til drúpandi eða hangandi, næstum pýramídalaga eða sívöl, 7-20 sm, hárlaus eða ögn hærð. Bikar 1,5-2 mm, tennur engar eða ógreinilegar, oftast hárlaus. Krónupípa trektlaga, purpurarauð til bleikrauð, hvít á innra borði, 9-11 mm, flipar 1-2 mm, nokkuð uppréttir til útstæðir í rétt horn. Fræflar ná ekki fram úr blóminu. Hýði sívöl, aflöng slétt eða með smáar korkbletti.

Uppruni

V Kína.

Harka

H1

Heimildir

2,7.

Fjölgun

Sumargræðlingar, sáning.

Notkun/nytjar

Í beð, í þyrpingar, sem stakstæðir runnar.

Reynsla

Í Lystigarðinum eru til þrjár plöntur undir þessu nafni, sem sáð var 1993. Þrífst vel, ekkert kal.

Yrki og undirteg.

ssp. komarowii. Blómklasar meira og minna þéttblóma, 7-10 sm langir. Krónan purpurarauð, flipar nokkuð uppréttir. &