Spiraea uratensis

Ættkvísl

Nafn

uratensis

Íslenskt nafn

Ætt

Rósaætt (Rosaceae).

Lífsform

Lauffellandi runni.

Kjörlendi

Sól- hálfskuggi.

Blómalitur

Hvítur.

Blómgunartími

Maí-júní, aldin í júlí-ágúst.

Hæð

- 1,5 m

Vaxtarlag

Lauffellandi, uppréttur runni, allt að 1,5 m hár. Smágreinar rauðbrúnar en verða grábrúnar, sívalar eða ögn kantaðar, brum lang-egglaga, með tvö hreistur, langydd.

Lýsing

Laufleggir 2-10 mm, hárlausir, laufblaðkan aflöng-egglaga, aflöng-lensulaga eða aflöng-öfuglensulaga, 1-3 × 0,7-1,5 sm, hárlaus bæði ofan og neðan, grunnur fleyglaga, jaðrar heilrendir, blaðkan snubbótt. Hálfsveipir endastæðir á stuttum hliðargreinum, samsettir, 3-5,5 × 4-5 sm, margblóma. Aðalblómskipunarleggur og blómleggir hárlausir, blómleggir 4-7 mm. Stoðblöð lensulaga til aflöng, 2-4 mm. Blómin 4-6 mm í þvermál. Blómbotn bjöllulaga eða hálfbjöllulaga, hárlaus á ytra borði. Bikarblöð þríhyrnd, 1-2 mm, upprétt við aldinþroskann, ydd. Krónublöð hvít, hálfkringlótt, 1,5-2,5 mm, hárlaus, grunnur með stutta nögl. Fræflar um 20 sinnum lengri en krónublöðin, kringla hringlaga, með 10 flipa, flipar snubbóttir til framjaðraðir. Frævur dúnhærðar, stílar styttri en fræflarnir. Hýði upprétt, útstæð, smádúnhærð. Stílar ögn útstæðir.

Uppruni

Kína.

Heimildir

= www.sFloras.org / Flora of China

Fjölgun

Sáning, sumargræðlingar.

Notkun/nytjar

Í beð, í kanta, í þyrpingar.

Reynsla

Í Lystigarðinum er til ein planta frá 1984, hefur farið mjög illa af og til, er nú um 1,5 m hár og blómstrar árlega.

Útbreiðsla

Vex í giljum, brekkum og klettaum í 1000-2400 m.