Salix viminalis

Ættkvísl

Nafn

viminalis

Ssp./var

ssp. rossica

Höfundur undirteg.

(Nasarow) N.N.Tzvelev

Íslenskt nafn

Ætt

Víðiætt (Salicaceae).

Samheiti

Salix rossica Nas. ex Nasarov, S. viminalis v. rossica (Nasarow) Evarts

Lífsform

Lauffellandi runni.

Kjörlendi

Sól.

Blómgunartími

Snemma vors.

Hæð

Allt að 8 m

Vaxtarlag

Lauffellandi runni, oftast 6-8 m hár, vex eins og tré í miðhluta V Síberíu og getur náð allt að 20 m hæð. Ársprotar ólífugrænir eða grábrúnir, grennri en ársprotarnir á aðaltegundinni, stutt-dúnhærð í fyrstu en verða fljótt hárlaus eða næstum hárlaus. Viðurinn undir berkinum er ekki hryggjóttur. Brum allt að 5 mm löng, egglaga, gul- eða rauðbrún, dúnhærð í fyrstu, seinna hárlaus.

Lýsing

Lauf allt að 10 sm löng og 0,5-1,5 sm breið, breiðust um miðjuna eða um efsta þriðjung laufsins. Lauf oftast hárlaus ofan, silki-lóhærð neðan. Smálauf næstum slétt, jaðrar áberandi innundnir, ögn bylgjaðir. Laufleggur oft styttri en 1 sm að lengd. Axlablöð mjó, hvassydd, jaðrar kirtilsagtenntir, vaxa oft aðeins á kröftugum sprotum. Reklar koma á sama tíma og laufin, 5-7 sm löng. Eggleg næstum hárlaus, oddbaugótt við grunninn. Fræhýði silki-dúnhærð, 4-5 mm löng, næstum legglaus, fræ þroskast í maí til byrjun júní.

Uppruni

Rússland, Síbería.

Heimildir

www.globalspecies.org/ntaxa/851233, www.biology.lv/lv/files/Zinatne/Acta-Biologica-Universitatis-Daugavpilensis/Acta-Biologica-4-1/Bunders1.pdf

Fjölgun

Sumar- og vetrargræðlingar.

Notkun/nytjar

Í blönduð trjá- og runnabeð.

Reynsla

Í Lystigarðinum eru til fjórar plöntur undir samnefninu Salix rossica Nas., tvær frá 1978, ein frá 1982 og ein frá 1983, allar kala lítið eitt.