Salix myrsinifolia

Ættkvísl

Salix

Nafn

myrsinifolia

Íslenskt nafn

Dökkvíðir (viðja)

Ætt

Víðiætt (Salicaceae).

Samheiti

S. nigricans Sm., S. phylicifolia L. ssp. nigricans (Sm.) N. H. Nilsson ex Hyl.; S. borealis (Fr.) Nasarow, S. nigricans Sm. ssp. borealis (Fr.) Flod. (ssp. borealis)

Lífsform

Lauffellandi runni.

Kjörlendi

Sól.

Blómgunartími

Vor.

Hæð

4-9 m

Vaxtarhraði

Fremur fljótvaxinn.

Vaxtarlag

Breytileg tegund, allt að 4 m há. Börkur dökkur, sprunginn. Ársprotar hárlausir á öðru ári, matt grænbrúnir, viður annars árs gáraðir undir berkinum.

Lýsing

Laufin 2-7 x 1-3,5 sm, oddbaugótt-öfugegglaga eða aflöng, dökkgræn ofan, bláleit neðan. Aðalæðastrengurinn með langæa hæringu neðan, sagtennt til næstum heilrend. Laufleggur allt að 1 sm langur. Axlablöð eyrnalaga, stundum engin. Reklar 1,5-4 x 1-1,5 sm á laufóttum legg, koma um leið og laufin. Fræflar 2, ekki samvaxnir. Eggleg á stuttum legg, hárlaus eða lítið eitt hærð.&

Uppruni

Evrópa, L Asía, V Síbería.

Harka

Heimildir

= 1,4

Fjölgun

Sumar- og vetrargræðlingar, (sáning).

Notkun/nytjar

Í limgerði, í skjólbelti, í beð, í þyrpingar.

Reynsla

Harðgerð planta, sem er mikið notuð í klippt limgerði, vindþolin, þokkalega fljótvaxin, hefur verið seld í garðplöntustöðvum undir ýmsum nöfnum. Það algengasta sennilega Salix nigricans sem þá hefur verið kallaður svartvíðir eða dökkvíðir. Var lengi í Lystigarðinum undir því nafni sem er eitt af fjölmörgum samheitum sem hafa verið í gangi um tegund þessa.(Salix myrsinifolia skv. IOPI og Virtuella Floren sem er einskonar Flóra Norðurlanda).

Yrki og undirteg.

Undirtegund S. myrsinifolia ssp. borealis (Fr.) Hyl. - viðjan - er með hvítloðna árssprota og þétthærð blöð sem eru loðin á neðra borði (sbr. Virtuella Floren).