Rosa acicularis

Ættkvísl

Nafn

acicularis

Íslenskt nafn

Ætt

Rósaætt (Rosaceae).

Samheiti

Rosa carélica Fries.

Lífsform

Lauffellandi runni.

Kjörlendi

Sól.

Blómalitur

Dökk rósbleikur til purpurableikur.

Blómgunartími

Júlí-ágúst.

Hæð

100 (-250) sm

Vaxtarlag

Villirós. Lágvaxinn runni með um 100 sm háar greinar, (sjaldan allt að 250 sm hár) með beina eða lítið eitt bogna þyrna, veikbyggða og granna innan um þétt, mjó þornhár, (er stundum þyrnalaus). Greinar þéttar, runninn breytilegur í vextinum. Axlablöðin mjó.

Lýsing

Laufin sumargræn, smálaufin 5-7 (sjaldan 3-9) egglaga til oddbaugótt, 1,5-6 sm, ydd, blágræn og oftast hárlaus á efra borði, gráleit og dúnhærð á neðra borði, jaðrar með einfaldar tennur. Stoðblöð mjó, ± jafn löng og stilkurinn. Blómstæðin slétt. Blóm eitt, sjaldan allt að 3, einföld, lítið eitt ilmandi, 3,8-6,2 sm í þvermál. Bikarblöð kirtilhærð á ytra borði, upprétt og standa lengi eftir blómgun. Krónublöðin dökk rósbleik til purpurableik. Stíll ekki samvaxinn, ná ekki fram úr blóminu, fræni ullhærð. Nýpur sporvala eða hnöttóttar til perulaga með háls í efri endann, glansandi, skærrauðar, 1,5-2,5 sm, sléttar.&

Uppruni

N Ameríka, Alaska, NA Asía, Evrópa.

Harka

2, H1

Heimildir

= 1, 2, http://www.welt-der-rosen,de/duftrosen/_duftrosen.htm

Fjölgun

Sumargræðlingar, sáning.

Notkun/nytjar

Í þyrpingar, sem stakstæður runni, í blönduð beð.

Reynsla

Heiðarósinni hefur verið sáð 1990, 1994 og 2000 í Lystigarðinum. Sú frá 1990 kelur lítið, þrífst vel, þær frá 1994 og 2000 eru fremur lélegar, engin blóm (2010).Meðalharðgerð, mörg afbrigði eru í ræktun. Þarf að grisja reglulega.