Ribes × pallidum

Ættkvísl

Nafn

× pallidum

Yrki form

'Röd Hollandsk'

Íslenskt nafn

Ætt

Garðaberjaætt (Grossulariaceae).

Samheiti

Ribes spicatum Robson Rød Hollandsk / Röda Hollänska. R. rubrum Red Dutch.

Lífsform

Lauffellandi runni.

Kjörlendi

Sól og skjól.

Blómalitur

Föl gulgrænn.

Blómgunartími

Snemma vors.

Hæð

1-1,5 m

Vaxtarhraði

Meðalhraður vöxtur.

Vaxtarlag

Rauð hollensk er gamalreynt yrki sem hefur verið í ræktun á Íslandi frá a. m. k. um 1830. Yrkið er upprunnið í Hollandi, kom fram fyrir 1729. Þetta er eitt elsta ef ekki elsta yrkið sem þekkt er. Plantan er stór, kröftug, upprétt, þétt, myndar mikið af berjum, hraust, lauf meðalstór, hálfhjartalaga til næstum þverstýfð við grunninn.

Lýsing

Blómin koma snemma, klasarnir eru fremur langir, meðal-þéttblóma, blómin hangandi og klasar með mörg blóm. Bikarpípan grænleit, skállaga, bikarflipar snubbóttir, aðskildir, fölgulgrænir, fremur ógreinileg. Berin um mitt sumar, klasar langir og grannir, 10-18 berja, mjög strjál, klasaleggir langir, berin föst á leggjunum, breytileg að stærð, hnöttótt, skær, glansandi rauð, hýðið hárlaust, berholdið kjötkennt, þétt, mikil gæði. &

Uppruni

Yrki.

Sjúkdómar

Hefur mikinn viðnámsþrótt gegn sjúkdómum.

Heimildir

http://www.ars-grin.gov, http://www.landstolpi.is

Fjölgun

Græðlingar.

Notkun/nytjar

Í runnabeð. Berin notuð í saft, sultu og hlaup eða fryst.

Reynsla

Þroskar ber hérlendis vanalega um og eftir mánaðarmót ágúst/september. Uppskera getur brugðist norðanlands í köldum sumrum. Rifsber eru mikið ræktuð um allt land.

Útbreiðsla

Ribes × pallidum Otto & F. Dietr. (Ribes petraeum × R. spicatum spicatum).