Ribes altissimum

Ættkvísl

Nafn

altissimum

Íslenskt nafn

Ætt

Garðaberjaætt (Grossulariaceae).

Samheiti

R. petraeum altissimum. (Turcz.) Jancz

Lífsform

Lauffellandi runni.

Kjörlendi

Hálfskuggi eða sól.

Blómalitur

Gulleitur, oft með purpuraslikju.

Blómgunartími

Júní. Ber í ágúst.

Hæð

(1-)2-3 m

Vaxtarlag

Lauffellandi runni (1)2-3 m hár. Greinar hárlausar, sjaldan með ögn af stuttum kirtilhárum, þyrnalausar.

Lýsing

Brum brún, egglaga til mjóegglaga, dúnhærð, snubbótt eða ydd. Blaðstilkar 3-5 sm, hárlausir, sjaldan ögn dúnhærðir eða með stutt kirtilhár. Laufblaðkan hálfkringlótt, 3-6 sm, hárlaus, stundum með ögn af stilkstuttum kirtlum eftir æðastrengjunum á neðra borði, grunnur hjartalaga, flipar 3-5, egglaga-þríhyrndir, jaðrar hvass tvísagtenntir, stundum með fáeinar einfaldar tennur, oddur snubbóttur eða hvassyddur, endaflipinn jafnlangur eða ögn lengri en hliðarfliparnir. Blómklasar ögn hangandi, 3-8 sm, 10-25 blóma, blómleggir dúnhærðir og með leggstutta kirtla. Stoðblöð breiðegglaga, jaðrar ögn kirtilhærðir. Blóm tvíkynja, 4-5 mm í þvermál, blómleggir 1-3 mm. Bikar gulleitur oft með purpurablettum, hárlaus, krónupípan bjöllulaga, 1,5-2,5 mm. Flipar aftursveigðir, hálf-tungulaga til öfugegglaga, 0,8-1,5 mm. Fræflar festir neðan við krónublöðin og eru jafnlangir þeim. Eggleg hárlaus. Stíll breið-keilulaga, oddur 2-flipóttur. Ber purpurasvört, hálfhnöttótt, 0,5-0,7 sm, hárlaus.

Uppruni

A Asia N Kína, Mongólía, Sibería.

Heimildir

Netið: Flora of China, http://www.pfaf.org, http://www.agroatlas.ru

Fjölgun

Með fræi og sumar- og vetrargræðlingum.

Notkun/nytjar

Þarf sendinn, léttan jarðveg, vel framræstan. Getur vaxið í hálfskugga undir trjám, en þarf rakan jarðveg ef plantan er í sól.

Reynsla

Í Lystigarðinum er til ein planta sem sáð var til 1984, um 2 m runni sem kól dálítið framan af, en er fínn núna (2011).

Útbreiðsla

Barrskógur, blandskógur og skógarjaðrar í fjallahlíðum neðan við 2000 m hæð í heimkynnum sínum. Skordýrafrævun.AÐRAR UPPLÝSINGAR: Berin notuð til matar. Plantan notuð til lækninga og skrauts. Athygliverð til kynbóta. Frostþolin. Berin innihalda mikið af P og C vítamíni.