Rhododendron anthopogon

Ættkvísl

Nafn

anthopogon

Íslenskt nafn

Ætt

Lyngætt (Ericaceae).

Lífsform

Sígrænn runni.

Kjörlendi

Sól-hálfskuggi.

Blómalitur

Hvítur eða bleikur.

Blómgunartími

Vor.

Hæð

- 100 sm

Vaxtarlag

Sígrænn, lítill runni, sem ilmar mikið, lágvaxinn, verður allt að 50(-100) sm hár, mikið greindur, greinar stuttar. Laufin eru dökkgræn, egglaga-oddbaugótt, sjaldan næstum kringlótt, 1-3,5 sm löng, 0,8-1,6 sm breið, ögn eða ekki hreistruð á efra borði en með þétt ryðbrúnt hreistur í 2 eða 3 röðum á neðra borði. Laufleggur 1 sm langur með hreistur að ofan.

Lýsing

Blómklasar eru koll-laga, blómmargir. Bikarflipar eru aflangir, 3,5-4,5 mm, oftast með hreistur á ytra borði, jaðrar með þornhár, innra borð mismikið dúnhært. Krónan er hvít eða bleik, sjaldan rjómalit eða gul, 1-2 sm, hvorki með hár né hreistur á ytra borði. Fræflar 6-8. Fræhýðið er með hreistur, 4-5 mm, nær varla fram úr bikarnum.

Uppruni

A Himalaja, S Tíbet.

Harka

H4

Heimildir

2, 7, http://www.flowersofindia.net

Fjölgun

Sáning, síðsumargræðlingar.

Notkun/nytjar

Í runnabeð þar sem birtan er síuð.

Reynsla

Ein planta undir nafninu R. anthopogon v. hypenanthum (Balf.) Cullen Annapurnavar keypt í Lystigarðinn 2000 og gróðursett í beð 2001. Vetrarskýling frá 2001 til vors 2007. Mismikið kalin, blóm stöku ár.

Yrki og undirteg.

v. anthopogon Brumhlífar laufblaða mjög skammæar. Himalaja, V Kína. v. hypenanthum (Balf.) Cullen (R. hypenanthum Balf.) Brumhlífar laufblaðanna langæar. N Indland, Nepal, Bútan.

Útbreiðsla

AÐRAR UPPLÝSINGAR:Vex í 3500-5000 m á heimaslóðum sínum. Nafnið Annapurna bendir til þess að plantan sé frá Nepal, en Annapurna er vinsælt ferðamannasvæði í Nepal, þar sem lyngrósaskoðunarferðir eru farnar.