Pulmonaria officinalis

Ættkvísl

Nafn

officinalis

Íslenskt nafn

Ætt

Munablómaætt (Boraginaceae).

Lífsform

Fjölær jurt.

Kjörlendi

Sól, hálfskuggi.

Blómalitur

Rauðpurpura eða blápurpura.

Blómgunartími

Vorblómstrandi.

Hæð

20-30 sm

Vaxtarlag

Myndar fallegar blaðbreiður. Blómin í stuttum kvíslskúfum fyrst bleikrauð en síðar fjólublá. Blöð snarphærð, hjartalaga með litla ljósa eða hvíta bletti.

Lýsing

Grunnlauf ásamt blöðkunni allt að 16 x 10 sm, efra borð áberandi hvítblettótt, hrjúf af um það bil jafnlöngum hárum. Laufgrunnurinn hjartalaga, mjókkar í augljósan, allt að 15 sm langan legg. Stöngulblöð minni, oddbaugótt, greipfætt. Blómskipunin þétthærð, bæði með stinn þornhár og kirtilhár. Krónan rauðpurpura eða blápurpura. Krónupípa hárlaus að innan neðan við hárahringinn í gininu. Fræ(hnetur) 4 x 3 mm.

Uppruni

Algeng í Evrópu frá S Skandinavíu suður til S Ítalíu og Búlgaríu.

Harka

6

Heimildir

= 1,2

Fjölgun

Skipting að vori eða hausti, sáning að vori.

Notkun/nytjar

Sem undirgróður undir tré og runna, í skógarbotna, í fjölæringabeð.

Reynsla

Hefur verið mjög lengi í ræktun hérlendis, þrífst vel. Í Lystigarðinum er til ein planta undir þessu nafni, sem sáð var til 2011 og gróðursett í beð 2012.

Yrki og undirteg.

'Alba' er með hvít blóm. 'Bowles Blue' er með mjög ljósblá blóm.'Brentor' er með ljós-silfurblettótt lauf, blóm rauðrófupurpura.'Cambridge' er allt að 30 sm há, lauf hjartalaga, blettótt, blóm fölblá, bleik í knúppinn, blómrík. 'White Wings' er allt að 30 sm há, blóm hvít með bleiku auga, blómgast seint.