Primula waltonii

Ættkvísl

Nafn

waltonii

Íslenskt nafn

Ætt

Maríulykilsætt (Primulaceae).

Lífsform

Fjölær jurt.

Kjörlendi

Sól, hálfskuggi.

Blómalitur

Jarðarberjableikur til vínrauður.

Blómgunartími

Ágúst-september.

Hæð

40-50 sm

Vaxtarlag

Stinnir uppréttir blómstönglar, laufin í stofnhvirfingum.

Lýsing

Laufblaðkan um það bil 1,5 x 3 sm, öfugegglaga til oddbaugótt, jaðrar bylgjaðir til hvasstenntir og tennur vita fram á við, grunnur fleyglaga; ögn blágræn ofan, miðstrengur hvítleitur. Laufleggur stuttur eða jafnlangur blöðkunni með mjóa vængi, hvítleitir. Blómstönglar allt að 50 sm háir hjá ræktuðum plöntum með um 7-30 blómasveip af drúpandi blómum. Blómleggir allt að 7 sm, rjómalitir til mélugir, sterklegir. Bikar allt að 1 sm, bjöllulaga, mélugur en oft purpuralitur. Krónan allt að 2 sm breið, mjó- eða breiðtrektlaga, með ávaxtailm, jarðarberjableik til vínrauð og með rautt auga. Krónublöð mélug á efra borði, sjaldan rjómalit eða hvít, flipar heilir eða grunnsýldir. Fræhýði nær rétt fram úr bikarnum. Fræ allt að 1,2 mm, brún.

Uppruni

NA Indland, Bútan, SV Kína.

Sjúkdómar

Engir.

Harka

6

Heimildir

= 1,2

Fjölgun

Skipting að vori, sáning að hausti.

Notkun/nytjar

Sem undirgróður, í blómaengi, í fjölæringabeð.

Reynsla

Afar harðgerð og auðræktuð tegund. Sáir sér töluvert, að minnsta kosti norðanlands og á það til að mynda blendinga með öðrum tegundum Harðgerðastur lyklanna og fer hærra upp í Himalajafjöllum en nokkur annar lykill.

Yrki og undirteg.

Ýmis konar blendingar og litaafbrigði hafa komið upp við sjálfsáningu, blendingar með kínalykli algengir.