Primula verticillata

Ættkvísl

Nafn

verticillata

Íslenskt nafn

Ætt

Maríulykilsætt (Primulaceae).

Lífsform

Fjölær jurt, sígræn.

Kjörlendi

Dálítill skuggi.

Blómalitur

Gulur.

Blómgunartími

Vor.

Hæð

Allt að 80 sm

Vaxtarlag

Stórar plöntur, allt að 80 sm háar, með lítið eitt af gráu méli. Sígræn, lauf uppundin í brumlegunni.

Lýsing

Lauf allt að 30 x 8 sm, breiðlensulaga, grágræn, hárlaus, fín- og stundum tvísagtennt ofantil með allt að 12 hliðarstrengi. Laufleggir með breiða vængi, allt að 10 sm langir. Blómstönglar 10-60 sm (-80 sm) með allt að 4 kransa, hver með allt að 18 gullgul blóm. Stoðblöð líkjast laufunum. Krónan 1,5-2,5 sm í þvermál, flöt skífa, blómleggir jafnlangir. Fræflar rétt innan við krónuopið. Krónupípan 2,3-3,8 sm, mjög grönn, flipar heilir eða grunnsýldir. Stílar mislangir, ná stundum út úr blóminu. Fræhulstur kúlulaga, langæ.

Uppruni

SV Arabíuskagi, NA Afríka.

Heimildir

= 1,2

Fjölgun

Skipting, sáning.

Notkun/nytjar

Í ker.

Reynsla

Hefur verið reynd í garðinum en ekki lifað lengi, er sennilega í viðkvæmari kantinum en verðugt verkefni fyrir safnara. Tegundir í þessari deild eru oft ræktaðar í óupphituðu gróðurhúsi erlendis. Haldið þurrum og í fullri birtu yfir veturinn en í á svölum, rökum stað í léttum skugga yfir sumarið