Primula ioessa

Ættkvísl

Nafn

ioessa

Íslenskt nafn

Ætt

Maríulykilsætt (Primulaceae).

Lífsform

Fjölær jurt.

Kjörlendi

Sól, hálfskuggi.

Blómalitur

Ljós eða fölfjólublár, hvítur.

Blómgunartími

Júlí.

Hæð

20-30 sm

Vaxtarlag

Minnstur í þessari deild lykla. Líkist helst P. waltonii en er allur minni og fíngerðari.

Lýsing

Lauf 6-20 x 1-2.5 sm, mjó aflöng eða öfuglensulaga til spaðalaga, skarpar og djúpar tennur, snubbótt, mjókka í grunninn í vængjaðan lauflegg. Blómstönglar 10-30 sm, blóm ilmandi, trektlaga með stutta krónusepa. Blómin í 2-8 blóma sveip á fremur grönnum, stuttum, lítillega gulmélugum leggjum (1-6 sm), bleik-ljóspurpurarauð, lillablá-blá eða hvít, mélug í auga. Stoðblöð band til band-lensulaga 0,5 -1,5 sm, dálítið gulmélug með purpuralitum rákum. Bikar bjöllulaga, 7-8 mm, ögn mélugur með purpuralitri slikju á ytra borði, mjög mélugur á innra borði, skiptur að miðju, æðóttur. Fræhulstur sívöl, um það bil jafnlöng og bikar.

Uppruni

Kína, SA Tíbet.

Sjúkdómar

Engir.

Harka

6

Heimildir

= 1,2 + kínverska flóran

Fjölgun

Skipting að vori eða hausti, sáning að hausti.

Notkun/nytjar

Sem undirgróður, í skrautblómabeð, ef til vill, í steinhæðir.

Reynsla

Kom fyrst frá Ágústu Jónsdóttur á Árskógssandi, hefur dafnað ágætlega bæði norðanlands og sunnan.

Yrki og undirteg.

Þekkt fleiri litaafbrigði en hvítt, til dæmis dökkfjólublátt. Lík völulykli (P. waltonii) en oftast minni og fíngerðari. Blómstönglar allt að 15 sm. Krónan klukkulaga, lillablá-blá eða hvít, augu mélug.