Potentilla uniflora

Ættkvísl

Nafn

uniflora

Íslenskt nafn

Ætt

Rósaætt (Rosaceae).

Lífsform

Fjölær jurt.

Kjörlendi

Sól.

Blómalitur

Gulur.

Blómgunartími

Júní-júlí.

Hæð

5-16 sm

Vaxtarlag

Putamura er fjölæringur með upprétta eða uppsveigða stöngla, 5-15 sm háa sem koma upp úr greinóttum rótarstönglinum.

Lýsing

Grunnlauf eru með granna leggi og 3 djúptennt, oddbaugótt lauf, 1-2 sm löng, 1-2 stakstæð stöngullauf eru lík grunnlaufunum en minni. Neðra borð laufa og efri hluti stönglanna eru þaktir þéttu, löngu, flóknu, gráu hári, en efra borð laufa og laufleggir og neðri hluti stöngalanna eru lítt þaktir stinnu, beinu hári, 1-2 blóm með legg eru efst á stönglinum. Þau eru skállaga með 5 lensulaga langhærð bikarblöð, 3-4 mm löng, 5 gul, aflöng krónublöð, 4-5 mm löng með grunnflipóttan odd, 20 fræfla og fjölda fræva. Grannur stíllinn er næstum við topp smáhnetunnar, sem er fínlega ósléttar við grunninn.

Uppruni

Arktísk fjallaplanta, V Bandaríkin, V Kanada.

Heimildir

= http://fieldguide.ml.gov, http://plants.usda.gov, http://www.fleurssauvages.ca

Fjölgun

Sáning.

Notkun/nytjar

Í steinhæðir, í beðkanta.

Reynsla

Í Lystigarðinum er til ein planta undir þessu nafni, sem sáð var til 2010. Smávaxin tegund, sem stundum ´fellur´ fyrir arfasköfunni ef fólk aðgætir ekki hvað það er að gera.