Polemonium caeruleum

Ættkvísl

Nafn

caeruleum

Íslenskt nafn

Ætt

Jakobsstigaætt (Polemoniaceae).

Lífsform

Fjölær jurt.

Kjörlendi

Sól, hálfskuggi.

Blómalitur

Blár.

Blómgunartími

Júlí-ágúst.

Hæð

60-90 sm

Vaxtarlag

Fjölær jurt, 30-90 sm há, hárlaus neðst, kirtildúnhærð ofar eða við blómskipunina. Lauf allt að 40 sm, stakfjöðruð, smálauf oftast 17-27, lensulaga til oddbaugótt eða aflöng-lensulaga, næstum legglaus og minni eftir því sem ofar dregur á stönglinum.

Lýsing

Blómskipunin endastæð eða axlastæð, lotin, blómin á stuttum blómleggjum. Bikar 3-7 mm, bjöllulaga, flipar lensulaga, hvassyddir. Krónan 8-15 mm, 10-25 mm í þvermál, hjóllaga-bjöllulaga, blá, sjaldan hvít, flipar egglaga, næstum yddir til bogadregnir. Aldin næstum hnöttótt, fræ hrukkótt, ekki slímug þegar þau eru blaut.

Uppruni

Evrópa.

Sjúkdómar

Engir.

Harka

2

Heimildir

1

Fjölgun

Skipting að vori, sáning að hausti.

Notkun/nytjar

Í steinhæðir, í fjölæringabeð, í blómaengi, sem undirgróður.

Reynsla

Harðgerðar og auðræktaðar tegundir, jakobsstigi algengur í görðum um allt land. Þarf uppbindingu þegar líður á sumarið. Í Lystigarðinum er til ein planta sem sáð var til 1981 og gróðursett í beð 1982, þrífst vel, sáir sér mikið.

Yrki og undirteg.

Yrkið 'Album' er með hvít blóm.ssp. caeruleum: Grunnlauf eru með 17-27 smálauf. Blómskipunin er með mörg blóm. Krónan er 8-15 mm, blá. Fræflarnir ná fram úr blóminu. Heimkynni: N & M Evrópa.