Onoclea sensibilis

Ættkvísl

Nafn

sensibilis

Íslenskt nafn

Ætt

Skjaldburknaætt (Dryopteridaceae).

Lífsform

Fjölær burkni.

Kjörlendi

Skjól, hálfskuggi.

Blómgunartími

Gróin þroskast frá júní til október.

Hæð

30-60 sm

Vaxtarlag

Grófgerður, fjölær burkni með skriðula jarðstöngla. Burknalaufin tvenns konar, vaxa eitt og eitt upp af jarðstönglinum, eru netæðótt. Grólaus lauf allt að 1 m, fjaðurskipt, hárlaus, skammæ. Laufeggurinn er lengri en blaðkan. Blaðkan breið egglaga-þríhyrnd, smálauf í 8-12 pörum, allt að 8 sm breið, djúpflipótt til bylgjuð eða heilrend, aðalleggurinn með breiða vængi.

Lýsing

Gróbær blöð allt að 60 sm, stinn og upprétt, lensulaga, tvífjaðurskipt, verða dökkbrún. Smálauf með innundna jaðra, lykja um hópa gróbletta í flipum sem minna á rúm. Gróblettir hnöttóttir, eru á æðastrengjum, gróhulan þunn, himnukennd, skammæ.

Uppruni

A N Ameríka, A Asía.

Harka

4

Heimildir

= 1

Fjölgun

Skipting, sáning.

Notkun/nytjar

Sem undirgróður, meðfram tjörnum. Getur orðið ágengur.

Reynsla

Vissara að skýla að vetri, sérstaklega þar sem snjóhulu nýtur ekki.Aðeins ein tegund í ættkvíslinni. Ræktuð vegna blaðfegurðar. Ekki í Lystigarðinum 2015.