Muscari aucheri

Ættkvísl

Nafn

aucheri

Íslenskt nafn

Ætt

Liljuætt (Liliaceae).

Samheiti

Botryanthes aucheri Boisser, Muscari tubergenianum Turrill.

Lífsform

Fjölær laukjurt.

Kjörlendi

Sól, hálfskuggi.

Blómalitur

Blár.

Blómgunartími

Apríl.

Hæð

20-25 sm

Vaxtarlag

Lauf 2 (sjaldan 3-4) upprétt-útstæð, sigðlaga, oft samhverf, spaðalaga (stundum mjóspaðalaga), 5-20 sm x 2-15 mm. Efra borð fölgrænt, bláleitt, oddur hettulaga.

Lýsing

Klasar þéttblóma, egglaga eða sívalur. Frjóu blómin næstum hnöttótt eða öfugegglaga, 3-5 x 2,3-5 mm, skær himinblá, sjaldan hvít, flipar fölblárri eða hvítir. Ófrjóu blómin stærri eða minni, ljósari, jafn mörg og þau frjóu eða færri.

Uppruni

Tyrkland (Persía).

Harka

4

Heimildir

= 1,2

Fjölgun

Hliðarlaukar, sáning, laukar lagðir í september á um 8 sm dýpi (fjölgar sér hægt).

Notkun/nytjar

Í steinhæðir, sem undirgróður, í blómaengi, í þyrpingar.

Reynsla

Til er í Lystigarðinum planta sem kom sem laukur 2001 þrífst vel. Harðgerð planta, lítt reynd hérlendis, ágæt til afskurðar.

Útbreiðsla

M. aucheri sem er í ræktun er oft eftirsóknarverða afbrigðið sem var þekkt sem M. tunbergianum, sem er með áberandi skúf af ófrjóum blómum (sem eru ljósari en þau frjóu) í efri hluta klasans.