Lysimachia nummularia

Ættkvísl

Nafn

nummularia

Íslenskt nafn

Ætt

Maríulykilsætt (Primulaceae).

Lífsform

Fjölær, sígræn.

Kjörlendi

Sól, hálfskuggi.

Blómalitur

Gulur.

Blómgunartími

Júlí-ágúst.

Hæð

10-20 sm

Vaxtarhraði

Meðalhraður.

Vaxtarlag

Sígræn hárlaus jurt, stönglar allt að 50 sm langir, jarðlægir, skríða hratt, skjóta rótum á stöngulliðunum.

Lýsing

Laufin gagnstæð, allt að 20-25 mm, standa þétt saman breiðegglaga til næstum kringlótt, snubbótt, grunnur bogadreginn eða hjartalaga, leggstutt, kirtildoppótt. Blómin stök, sjaldan tvö saman, í blaðöxlum á miðjum legg, blómleggir stinnir, miklu styttri en eða lengri en laufið sem blómið stendur við. Bikar allt að 1 sm, flipar egglaga, langyddir. Krónan allt að 2 sm í þvermál, gul, flipar öfugegglaga, smá-kirtildúnhærð, doppótt með örsmáum, svörtum kirtlum. Aldin allt að 5 mm, hnöttótt, myndast sjaldan þar sem loftslagið er svalt.

Uppruni

Evrópa, M Rússland

Sjúkdómar

Engir.

Harka

4

Heimildir

= 1

Fjölgun

Skipting að vori eða hausti sáning að hausti.

Notkun/nytjar

Í hengipotta, í svalakassa, sem undirgróður, í skrautblómabeð, við tjarnir.

Reynsla

Er fremur viðkvæmt, þarf að vökva í þurrkatíð, þarf helst skýlingu úti í garði yfir veturinn.

Yrki og undirteg.

'Aurea' er með gullið lauf.