Lonicera maackii

Ættkvísl

Nafn

maackii

Íslenskt nafn

Ætt

Geitblaðsætt (Caprifoliaceae)

Lífsform

Lauffellandi runni

Kjörlendi

Sól-hálfskuggi

Blómalitur

Hvítur - seinna gulleitur

Blómgunartími

Snemmsumar

Hæð

2-3 (-5 m)

Vaxtarlag

Lauffellandi, uppréttur runni, allt að 5 m hár. Börkurinn dökkgrár, flagnar. Ungar greinar oft dökkpurpura, með þétt hvít dúnhár.

Lýsing

Lauf 8 × 4 sm, mjóöfugegglaga til breiðlensulaga, langydd eða ydd, fleyglaga við grunninn. Dökkgræn, smá, útstæð dúnhár ofan, ljósari og smádúnhærð einkum á æðastrengjum á neðra borði. laufleggi 5 mm, purpura, þéttdúnhærðir Blómin hvít, seinna gul, ilmandi, axlastæð, tvö og tvö saman á hlið smágreina. Blómleggir kirtildoppótt, stoðblöð himnukennd, bandlaga, smástoðblöð grunn-framjöðruð, randhærð, bikar allt að 3 mm, skállaga, króna 2 sm, með tvær varir, hárlaus eða lítið eitt dúnhærð utan. Berin allt að 4 mm í þvermál, hnöttótt, dökkrauð eða svört fræ, allt að 5×2,5 mm, egglaga eða oddvala, ljósgul.

Uppruni

Japan, Kórea, Mansjúría, N Kína, Ussuri.

Harka

2

Heimildir

1

Fjölgun

Vetrar- og sumargræðlingar, sáning, sveiggræðsla.

Notkun/nytjar

Í limgerði, klippt eða óklippti, í blönduð beð, í þyrpingar eða sem stakstæðir runnar.

Reynsla

Ekki til í Lystigarðinum, en var sáð 2010. Harðgerður.

Yrki og undirteg.

Lonicera maackii f. podocarpa Rehd. - runni að 3 m, hvít til gul blóm, rauð aldin.