Lonicera chrysantha

Ættkvísl

Nafn

chrysantha

Íslenskt nafn

Ætt

Geitblaðsætt (Caprifoliaceae).

Samheiti

Lonicera chrysantha Turcz. ssp. gibbiflora (Rupr.) Kitag.

Lífsform

Lauffellandi lítið tré eða runni.

Kjörlendi

Sól-hálfskuggi,

Blómalitur

Fölgulur.

Blómgunartími

Vor-sumar.

Hæð

-4 m

Vaxtarlag

Lauffellandi, lítið tré allt að 4 m hátt.

Lýsing

Börkur dökk brúngrá-grænn, ungar smágreinar með löng-útstæð dúnhár og litlar kirtladoppur. Lauf allt að 12 x 6 mm, öfugegglaga, egglaga oddbaugótt eða aflöng-egglaga, langydd, grunnur yddur til bogadreginn, dúnhæring einkum á æðastrengjum á neðra borði, laufleggir allt að 7 mm langir. Blómin fölgul, tvö og tvö saman, blómleggir allt að 2 sm, með útstæða dúnhæringu eða næstum hárlausir. Stoðblöð breið-bandlaga, smástoðblöðin oddbaugótt, randhærð. Krónan með tvær varir, allt að 1,5 sm, hliðskökk, efri vörin klofin að miðju Berin hnöttótt allt að 7 mm í þvermál, dökkrauð. Fræ breið-oddbaugótt, 4 × 3 mm.

Uppruni

NA Asía - Japan

Harka

3

Heimildir

1

Fjölgun

Sumar- og vetrargræðlingar, sáning, sveiggræðsla.

Notkun/nytjar

Í blönduð beð, í þyrpingar, sem stakstæðir runnar.

Reynsla

Í Lystigarðinum er til ein gömul planta undir þessu nafni, tvær plöntur sem sáð var til 1975 og gróðursettar í beð 1982, ein planta sem sáð var til 1978 og gróðurset í beð 1982; og fimm plöntur sem sáð var til 1979 og gróðursettar í beð 1982. Tvær plöntur sem sáð var til 1989 og gróðursettar í beð 2000. Þrífast vel, lítið kal.----Harðgerður runni, sem þarf að snyrta reglulega til að halda unglegum.