Linnea borealis

Ættkvísl

Nafn

borealis

Íslenskt nafn

Ætt

Geitblaðsætt (Caprifoliaceae).

Lífsform

Sígrænn dvergrunni.

Kjörlendi

Hálfskuggi.

Blómalitur

Fölbleikur.

Blómgunartími

Júlí-ágúst.

Hæð

20-30 sm

Vaxtarlag

Skriðull, dvergvaxinn, sígrænn runni. Greinar þráðmjóar, allt að 35 sm langir, mynda gisna breiðu, mynda rætur á stöku stað þar sem greinarnar/stönglarnir snerta jarðveginn, dúnhærður í fyrstu, seinna trjákenndur. Lauf stakstæð eða í pörum eftir greinunum, 0,25-1 x 0,25-0,75 sm, egglaga, bogadregin, heilrend, dálítið bogtennt eða sagtennt á efri hlutanum, hálfleðurkennd, glansandi dökkgræn og lítið eitt dúnhærð á efra borði, gulbrún til fölgræn, dúnhærð á æðastrengjunum á neðra borði.

Lýsing

Blómskipunin grannur bleikleitur leggur, allt að 8 sm, uppréttur. Blómin bjöllulaga allt að 2 sm, ilmandi, í pörum efst á blómleggnum, drúpandi. Blómleggur allt að 2 sm, eins og þráður, bogsveigður. Krónublöð 5, mjó. Krónan allt að 12,5 mm, ljós bleik með dekkri bletti, flipar 5, bogadregnir. Aldin allt að 3 mm í þvermál, leðurkennd, okkurgul, með eitt fræ, ekki opin. glansandi, dökkgræn, egglaga eða nær kringlótt, gagnstæð, aldin ber

Uppruni

Pólhverf

Harka

2

Heimildir

= 1

Fjölgun

Skipting, sáning.

Notkun/nytjar

Sem undirgróður eða þekja milli sígrænna og alparósa.

Reynsla

Til bæði í Fornhaga og á Reykjum Ölfusi og hefur dafnað vel. Nefnd eftir grasafræðingunum Linné hinum sænska. Ekki í Lystigarðinum (2014), en hefur verið sáð, komið upp, en aðeins lifað fáein ár.