Lilium

Ættkvísl

Yrki form

'Pink Pixie'

Íslenskt nafn

Ætt

Liljuætt (Liliaceae).

Lífsform

Fjölæringur og laukplanta. Asíublendingur (Asiatic hybrid).

Kjörlendi

Sólríkur vaxtarstaður.

Blómalitur

Djúpbleikur með rjómalita slikju í gininu.

Blómgunartími

September.

Hæð

40-45 sm

Vaxtarlag

Uppréttir, laufóttir stönglar.

Lýsing

Blómin eru stór og opin, djúpbleik með rjómalita slikju í gininu. Stönglarnir eru 40-45 sm háir, uppréttir, sterklegir, venjulega með mörg blóm í toppinn, Lauf glansandi græn-dökkgræn, mjó-lensulaga.

Uppruni

Yrki / Cultivar.

Heimildir

http://www.learn2grow,http://www.answers.yahoo.com,http://www.americanmeadows.com,http://www.ces.ncsu.edu

Notkun/nytjar

Sólríkur vaxtarstaður, vel framræstur jarðvegur, leirborinn og sendinn, lífefnaríkur. Vökvun í meðallagi.Gróðursetjið laukana með 30-40 sm millibili. Pink Pixie' er hentug til afskurðar, en líka til ræktunar í kerum eða í blandaða beðkanta. Litfögur og auðræktuð, dugleg, smávaxin lilja.

Útbreiðsla

AÐRAR UPPLÝSINGAR:Allir liljublendingarnir í Pixie seríunni eru kynbættar og ræktaðar í Oregon Bulb Farms í Aurora, Oregon., USA.Asíublendingar eru nú sá hópur garðaliljuyrkja sem er lang algengastur, enda mjög auðvelt að rækta. Þessi blendingar úr þessum hóp kom fyrst fram í Bandaríkjunum og var nefndur Mid-Century blendingar í fyrstu. Í samanburði við austurlandablendinga blómstra Asíublendingar fyrr, plönturnar eru ekki eins hávaxnar, blómin eru ögn minni. Asíublendingar eru komnir af tegundum frá M og A Asíu, svo sem Lilium amabile, L. bulbiferum, L. dauricum og L. lancifolium (syn. L. tigrium) til að nefna nokkrar. Þess vegna eru litbrigðin mörg og breytileikinn mikill. Asíublendingar eru með blóm sem eru upprétt, vita upp á við eða út á við eða eru hangandi, venjulega ilmlaus og eru stjörnulaga með fjölda litbrigða svo sem gulu, appelsínulitu, bleiku, rauðu, hvítu og tvílitu. Nokkrar Asíublendinganna eru gulir svo sem Connecticut King og þekktur rauður blendingur er Gran Paradiso. Asíublendingar þrífast best með blómin í sólinni og neðri hluta stönglanna í skugga. Fjölgað með hreisturgræðlingum.