Lilium

Ættkvísl

Yrki form

'Ivory Pixie'

Höf.

Komið á framfæri 1978.

Íslenskt nafn

Ætt

Liljuætt (Liliaceae).

Lífsform

Fjölæringur og laukplanta. Asíublendingur (Asiatic hybrid).

Kjörlendi

Sólríkur vaxtarstaður.

Blómalitur

Fölgulur-rjómalitur, beinhvítur með örlitlar doppur í miðjunni.

Blómgunartími

Ágúst-september.

Hæð

35-40 sm

Vaxtarlag

Uppréttir, laufóttir stönglar.

Lýsing

Blómin eru ilmlaus, fölgul-rjómalit, beinhvít, með örlitlar doppur í miðjunni, stór og opin, 75-150 mm breið, vita upp á við. Gin gulgrænt. Stönglar eru 35-40 sm háir, uppréttir. Lauf mjó-lensulaga, dökkgrænt, glansandi.

Uppruni

Yrki / Cultivar.

Heimildir

http://www.learn2grow.com,http://www.davesgarden.com,http://www.answers.yahoo.com,http://www.americanmeadows.com,http://www.ces.ncsu.edu

Fjölgun

Fjölgað með hliðarlaukum og æxlilaukum úr blaðöxlunum.

Notkun/nytjar

Vaxtarstaður þarf að vera sólríkur. Vökvun í meðallagi, þarf reglulega vökvun en ekki of mikla. Gróðursetjið laukana með 25-30 sm millibili t.d. í blönduð beð eða ker. Góð til afskurðar.

Reynsla

Laukar (2 stk.) voru keyptir í Lystigarðinn 2005, blómstruðu mikið í september 2010 og margir nýir stönglar höfðu myndast síðan 2005, enda báðir á stað þar sem vel er vökvað og borið á um vaxtartímann.

Útbreiðsla

AÐRAR UPPLÝSINGAR:Allir liljublendingarnir í Pixie seríunni eru kynbættar og ræktaðar í Oregon Bulb Farms í Aurora, Oregon, USA.Asíublendingar eru nú sá hópur garðaliljuyrkja sem er lang algengastur, enda mjög auðvelt að rækta. Þessi blendingar úr þessum hóp kom fyrst fram í Bandaríkjunum og var nefndur Mid-Century blendingar í fyrstu. Í samanburði við austurlandablendinga blómstra Asíublendingar fyrr, plönturnar eru ekki eins hávaxnar, blómin eru ögn minni. Asíublendingar eru komnir af tegundum frá M og A Asíu, svo sem Lilium amabile, L. bulbiferum, L. dauricum og L. lancifolium (syn. L. tigrium) til að nefna nokkrar. Þess vegna eru litbrigðin mörg og breytileikinn mikill. Asíublendingar eru með blóm sem eru upprétt, vita upp á við eða út á við eða eru hangandi, venjulega ilmlaus og eru stjörnulaga með fjölda litbrigða svo sem gulu, appelsínulitu, bleiku, rauðu, hvítu og tvílitu. Nokkrar Asíublendinganna eru gulir svo sem Connecticut King og þekktur rauður blendingur er Gran Paradiso. Asíublendingar þrífast best með blómin í sólinni og neðri hluta stönglanna í skugga. Fjölgað með hreisturgræðlingum.