Helleborus viridis

Ættkvísl

Nafn

viridis

Ssp./var

ssp. viridis

Íslenskt nafn

Ætt

Sóleyjarætt (Ranunculaceae).

Lífsform

Fjölær jurt.

Kjörlendi

Sól til hálfskuggi.

Blómalitur

Grænleitur.

Blómgunartími

Vor.

Hæð

- 40 sm

Vaxtarlag

Dálítið hærður fjölæringur, allt að 40 sm. Jarðstönglar og rætur grófgerðar. Lauf oftast 2, grunnlauf, sumargræn, þunn, glansandi, djúpgræn, fingruð. Laufflipar 7-13, aflöng, lensulaga til mjó-oddbaugóttir, ydd, allt að 10 x 3 sm, dúnhærðir neðan jaðrar sagtenntir. Laufleggir allt að 20 sm, grænir.

Lýsing

Blómskipunin nær upp fyrir laufin, með langar greinar, blómin 2-4, álút, skál-laga eða fremur flöt, allt að 5 sm í þvermál, græn. Blómhlífarblöð misstór, skarast, breið-oddbaugótt eða egglaga, bogadregin eða snubbótt. Hunangskirtlar 9-12, með stuttan legg, trektlaga, græni. Fræflar allt að 2 mm, frævir 3-4, samvaxnar. Fræhýði allt að 18 mm, fræin rákótt.

Uppruni

SA Frakkland, Sviss, N Ítalíu, S Þýskalandi og Austurríki.

Heimildir

1

Fjölgun

Skipting, sáning.

Notkun/nytjar

Vex oft í skógarjöðrum og á nærliggjandi engjum.

Reynsla

Er ekki til í Lystigarðinum.

Yrki og undirteg.

Helleborus viridis L. subsp. occidentalis (Reut.) Schiffn.Er frábrugðin undirtegundinni ssp. viridis að því leyti að laufin eru ekki eins greinilega fingruð, hárlaus neðan, jaðrar mjög gróftennt-sagtennt. Blómin allt að 4 sm í þvermál. Á Spáni og í Pýrenafjöllum eru blómin þó stærri og bogadregnari og ung lauf eru með koparlitum blæ. Vex villt í Bretlandi, Belgíu, Frakklandi, Spáni og V Þýskalandi við svipuð skilyrði og ssp. viridis.