Gentiana trichotoma

Ættkvísl

Nafn

trichotoma

Íslenskt nafn

Ætt

Maríuvandarætt (Gentianaceae).

Lífsform

Fjölær jurt.

Kjörlendi

Sól (hálfskuggi).

Blómalitur

Blár.

Blómgunartími

Ágúst.

Hæð

30-50 sm

Vaxtarlag

Fjölær jurt, upprétt, allt að 40 sm há, en stundum hærri í ræktun. Stönglar eru fáir (1-3), uppréttir, ógreindir, hárlausir.

Lýsing

Grunnlaufin í 2-5 uppréttum hvirfingum. Blaðleggir 1,5-5 sm, himnukenndir. Blaðkan bandlaga, mjó oddbaugótt eða öfuglensulaga, 2-8 sm x 3-13 mm, mjókkar að grunni, snubbótt, 3-tauga. Stöngullauf í 3-5 pörum. Stöngullauf lík grunnlaufunum en minni með 1-3 taugar, blaðleggir stönglullaufa allt að 2,5 sm, styttast eftir því sem ofar dregur á stönglinum og eru því sem næst legglaus efst. Blóm nokkur í þrígreindum endastæðum skúf (og einnig stundum í blaðöxlum). Blómstönglar 0,5-5 sm. Krónan djúpblá, ljósari og doppótt innan, pípulaga, 4-5 sm, flipar egglaga, heilrendir, snubbóttir, 3-4,5 mm. Ginleppar fíntenntir. Aldinhýði með legg.

Uppruni

V Kína.

Sjúkdómar

Engir.

Harka

8

Heimildir

= 1,2

Fjölgun

Skipting að vori auðveld, sáning að hausti.

Notkun/nytjar

Í steinhæðir, í fjölæringabeð.

Reynsla

Harðgerð planta og hefur reynst vel í Lystigarðinum - mjög falleg tegund með sérstæðan blómlit.