Gentiana lutea

Ættkvísl

Nafn

lutea

Íslenskt nafn

Ætt

Maríuvandarætt (Gentianaceae).

Lífsform

Fjölær jurt.

Kjörlendi

Sól (hálfskuggi).

Blómalitur

Gulur.

Blómgunartími

Júlí-ágúst.

Hæð

100-150 sm

Vaxtarlag

Uppréttur fjölæringur, allt að 150 sm eða hærri. Stönglar ógreindir, holir, stönglar vaxa upp af langri og gildri stólparót.

Lýsing

Grunnlauf lensulaga-oddbaugótt til breiðegglaga, ydd eða bogadregin í oddinn, allt að 30 x 15 sm, bogstrengjótt með 5-7 stóra æðastrengi. Stöngullauf mjórri en hvirfingarlaufin, legglaus. Blómleggir vaxa úr öxlum hvirfingarlaufa, engin hreisturlauf við grunninn. Blómin með leggi, mörg saman (3-10,) í skúf á stöngulendum og/eða í blaðöxlum. Bikarpípan allt að 1,2 sm, pappírskennd, klofin niður á einni hlið, engar tennur eða örsmáar. Króna gul, sjaldan rauðleit með mjög stutta krónupípu og 3-9 útstæða flipa. Engir ginleppar. Fræflar venjulega ekki samvaxnir. Aldinhýði með legg.

Uppruni

Fjöll M & SA Evrópu frá Spáni til Grikklands.

Sjúkdómar

Engir.

Harka

5

Heimildir

= 1,2

Fjölgun

Sáning að hausti.

Notkun/nytjar

Aftan til í fjölæringabeð, sem stakstæð eða með lægri plöntur í kring.

Reynsla

Skipta plöntunni sjaldan/aldrei, nokkuð vinsæl garðplanta sem er víða í ræktun hérlendis, þrífst vel.