Euonymus sanguineus

Ættkvísl

Nafn

sanguineus

Íslenskt nafn

Ætt

Beinviðarætt (Celastraceae).

Samheiti

Euonymus monbeigii, E. sanguineus v. brevipedunculatus, E. sanguineus v. camptoneurus, E. sanguineus v. lanceolatus, E. sanguineus v. laxus, E. sanguineus v. orthoneurus, E. sanguineus v. pachyphyllus.

Lífsform

Lauffellandi runni.

Kjörlendi

Sól til hálfskuggi.

Blómalitur

Hvítur, rauðmengaður.

Blómgunartími

Síðla vors - snemmsumars.

Hæð

1-2 m (- 3,5 m)

Vaxtarlag

Lauffellandi runni eða lítið tré. Greinar rauðmengaðar þegar þær eru litlar, hárlausar.

Lýsing

Lauf gagnstæð, heil, allt að 10 sm, egglaga-aflöng til breiðoddbaugótt, snarp-, þétt- og smásagtennt, með lauflegg, dökkgræn, nývöxtur rauðmengaður, með rauða slikju að haustinu og mjög langæ. Æðastrengir mynda fín-netæðótt mynstur. Skúfur 3-16 blóma, blómskipunarleggur langur, blóm 4-deild, hvít, rauðmenguð. Skrautleg græn fræhýði koma að sumrinu. Blómin tvíkynja (eru bæði með karlkyns og kvenkyns líffæri) og eru frævuð af skordýrum. Aldin dálítið flipótt, allt að 2,5 sm, í þvermál. Vængir allt að 8 mm, láréttir, fræ svart, frækápa appelsínugul.

Uppruni

Asía (Kína, SA Tíbet).

Harka

5

Heimildir

= 1, http://www.pfaf.org, http://en.hortipedia.com

Fjölgun

Sáning, sumargræðlingar.

Notkun/nytjar

Sem stakstæður runni, í beð, í þyrpingar.

Reynsla

Í Lystigarðinum er til ein planta undir þessu nafni sem sáð var til 2000 og gróðursett í beð 2004. Runninn er eitraður.