Draba arctica

Ættkvísl

Nafn

arctica

Íslenskt nafn

Ætt

Krossblómaætt (Brassicaceae).

Samheiti

D. arctica ssp. ostenfeldii Böcher ex Kartesz & Gandhi; D. arctica v. ostenfeldii Böcher ex Kartesz & Gandhi; D. cinerea Adams v. arctica (J. Vahl) Pohle; D. ostenfeldii E. Ekman 1929, not D. ×ostenfeldii O. E. Schulz 1927; D. ostenfeldii var. ovibovina E. Ekman; D. ovibovina (E. Ekman) E. Ekman ex Gelting

Lífsform

Fjölær jurt.

Kjörlendi

Sól.

Blómalitur

Hvítur.

Blómgunartími

Júní-júlí.

Vaxtarlag

Fjölær, þýfð jurt, ekki útblásin, stöngulstofn greinóttur eða ógreindur, sjaldan með blómleggi. Stönglar ógreindir, 3-17(-25) sm, dúnhærðir, hæringin 4-10 geisla (geislarnir stundum greindir), 0,1-0,3 mm, með fáein ógreind hár, allt að 0,7 mm. Hvirfingarlaus með legg, leggurinn randhærður neðst, blaðkan öfuglensulaga til mjó öfugegglaga, 0,4-2,3(-3) sm x 1,5-6,5 mm, jaðrar oftasr heilrendir, sjaldan með 1 tönn á hvorri hlið, þéttdúnhærð á báðum hliðum með smá 8-12 geisla hæringin stjörnulaga, 0,2-0,4 mm stundum með grófari ógreind eða gaffalgrein hár (miðæðin áberandi á neðra borði). Stöngullauf 0 eða 1(-3), legglaus, blaðkan egglaga eða aflöng til lensulaga, heilrend, dúnhærð á báðum borðum eins og grunnlaufin.

Lýsing

Klasar 3-18(-25) blóma, ekki með stoðblöð, lengist við aldinþroskann, miðleggurinn ekki hlykkjóttur, dúnhærður eins og stöngullinn. Aldinleggurinn gleiðgreindur-uppsveigður eða uppsveigður, beinn, 1,5-(2-6) mm, dúnhærðir, hæringin með legg, stjörnulaga og stundum ógrein. Bikarblöðin egglaga, 2-2,5 mm, dúnhærð, (hæringin leggstutt, 2-3 geisla og ógreind), krónublöð hvít, spaðalaga til öfugegglaga, 3.5-6 x 1,8-2 mm. Fræflar egglaga, 0,3-0,4 mm. Skálpar aflangir til lensulaga, sléttir, ögn útflattir, (5-)6-11 x 2-3 mm, skálpalokar dúnhærðir, hæringin leggstutt, 2-5 geisla (sumir geislanna eru greindir) , 0,05-0,3 mm, eggbú 20-32 í hverju egglegi. Stíll 0,1-1 mm (fræni greinilega breiðara en stíllinn). Fræ egglaga 0,8-1,1 x (0,6)0,7-0,8 mm.

Uppruni

Grænland (Nunavut), Evrópa (Noregur(Svalbarði)).

Heimildir

www.efloras.org/florataxon.aspx?flora-id=1&taxon-id=250094719, Flora of North America

Fjölgun

Sáning.

Notkun/nytjar

Í steinhæðir.

Reynsla

Var í arktíska beðinu í nokkur ár í kring um 1991.