Dianthus monspessulanus

Ættkvísl

Nafn

monspessulanus

Íslenskt nafn

Ætt

Hjartagrasaætt (Caryophyllaceae).

Samheiti

D. sternbergii Sieber

Lífsform

Fjölær jurt.

Kjörlendi

Sól.

Blómalitur

Bleikur eða hvítur.

Blómgunartími

Ágúst-september.

Hæð

20-50 sm

Vaxtarlag

Lausþýfð, hárlaus fjölær jurt, allt að 60 sm há. Stönglar grannir, greinóttir ofantil.

Lýsing

Laufin bandlaga eða bandlensulaga, odddregin, mjúk viðkomu. Blóm 2-7 saman (sjaldan stök), á stuttum leggjum, ilmandi. Bikar 1,8-2,5 sm, mjókkar dálítið ofantil. Utanbikarblöð 4, lensulaga, mjókka smám saman í mjóan grænan odd, 1/3 til ½ af lengd bikarsins. Krónutungan 1,2-2 sm skipt nærri til hálfs í mjóa hluta, bleik eða hvít.

Uppruni

S og M Evrópa (fjöll).

Harka

4

Heimildir

= 1,2

Fjölgun

Sáning.

Notkun/nytjar

Í steinhæðir, í kanta, í fjölæringabeð.

Reynsla

Nokkur eintök í garðinum. Hefur reynst vel og er langlíf og harðgerð. Hefur reynst harðgerð á Reykjum (H. Sig.). Breytileg tegund.

Yrki og undirteg.

D. monspessulanus ssp. sternbergii (Sieber) Hegi er þéttari með bláleit lauf og stærri, stök blóm sem er eftirsótt í steinhæðir. Uppruni í A-Ölpum.Blendingur D. monspessulanus og D. seguieri (D. x arvernensis Rouy & Fouchaud) er upprunnin í S-Frakklandi og er ræktaður (sem ýmis yrki) í steinhæðum. Hann er þétt þýfður og laufin eru grágræn. Í flestum garðyrkjubókum er hann meðhöndlaður sem afbrigði af D. gratianopolitanus Vill.