Cytisus purgans

Ættkvísl

Nafn

purgans

Íslenskt nafn

Ætt

Ertublómaætt (Fabaceae).

Lífsform

Uppsveigður runni

Kjörlendi

Sól

Blómalitur

Sterkgulur

Blómgunartími

Vor til snemmsumars

Hæð

0,3-1 m

Vaxtarlag

Uppsveigður eða uppréttur runni, 30-100 sm hár, greinar sívalar, stífar, rákóttar. Ungir sprotar dúnhærðir, verða hárlausir.

Lýsing

Lauf óskipt, (neðri laufin þrífingruð), skammæ, legglaus, smálauf 6-12 mm, öfuglensulaga-spaðalaga til bandlensulaga, löng, silkihærð neðan, meira eða minna hárlaus á efra borði. Blómin um 12 mm, sterkgul, ilmandi, 1-2 í blaðöxlunum, blómleggir 5 mm, bikar dúnhærður. Fáni 10-12 mm. Belgir 15-30 x 5-7 mm, með þétt mjúkt hár, fræ 3-4.

Uppruni

S Evrópa, N Afríka

Harka

5

Heimildir

= 1

Fjölgun

Sumargræðlingar, sáning (fræplöntur lifa lengur), síðsumarsgræðlingar.

Notkun/nytjar

Stórar steinhæðir, í blönduð beð, í þyrpingar, í raðir.

Reynsla

Í Lystigarðinum eru til tvær plöntur undir þessu nafni sem sáð var til 1979 og 1984 og gróðursettar í beð 1988. Geislasópurinn hefur reynst vel í Lystigarðinum (k=0-2), er dálítið eitraður (hefur leysandi áhrif). Fullorðnar plöntur þola illa flutning. Talinn einna harðgerðastur af sópunum. Æskilegt er að skýla ungum plöntum að vetrinum. Á rótum sópa lifa Rhizobium bakteríur sem vinna köfnunarefni úr loftinu og leggja runnanum til næringu, því þurfa þeir litla sem enga áburðargjöf (of mikill áburður er fremur til skaða). Má klippa niður en gæta verður að því að skilja eftir hjálpargreinar (nokkrar grænar greinar) til að draga upp safa frá rótinni.

Yrki og undirteg.

Cytisus purgans 'Aleida' glæsilegt vaxtarlag, mjög blómsælt yrki.