Crocus sieberi

Ættkvísl

Crocus

Nafn

sieberi

Íslenskt nafn

Grikkjakrókus

Ætt

Sverðliljuætt (Iridaceae).

Lífsform

Hnýði.

Kjörlendi

Sólríkur vaxtarstaður.

Blómalitur

Föl-lilla til djúp lillapurpura.

Blómgunartími

Vorblómstrandi - apríl.

Vaxtarlag

Hýði hnýða er áberandi nettrefjótt. Lauf 2-8 talsins, 1-6 mm breið, styttri en eða jafnlöng blómunum, dökkgræn.

Lýsing

Blóm föl-lilla til djúp lilla-purpura eða hvít með purpura belti eða rákótt á ytraborði (á við ssp. sieberi frá Krít). Gin gult til appelsínugult, hárlaust eða hært. Ekkert hulsturblað. Stoðblöð 2. Blómhlífarblöð 2-4 sm × 7-15 mm. Frjóhnappar gulir, stíll með þrjá frænissepa, gula til appelsínurauða, hver þeirra er mjög breiður og í fellingum eða þeir eru flipóttir í oddinn.

Uppruni

S Albanía, S Búlgaría, S Júgóslavía, Grikkland, Krít.

Harka

Heimildir

= 2

Fjölgun

Sáning, hliðarhnýði.

Notkun/nytjar

í trjá- og runnabeð, í beðkanta.

Reynsla

Aðaltegund er ekki í Lystigarðinum.

Yrki og undirteg.

Það afbrigði af grikkjakrókus (C. sieberi) sem oftast er í ræktun er ssp. atticus (Boissier & Orphanides) Mathew, er með lillalit blóm og trefjanet hýðisins er fremur gróft.

Útbreiðsla

ssp. sieberi (C. sieberi v. heterochromus Halacsy, C. sieberi v. versicolor Boissier & Heldreich)er hvítblóma undirtegund frá Krít og sjaldan í ræktun en blendingur hennar og ssp. atticus, nefnt Hubert Edelstein, er oft í boði.