Crocus chrysanthus

Ættkvísl

Nafn

chrysanthus

Íslenskt nafn

Ætt

Sverðliljuætt (Iridaceae).

Lífsform

Hnýði.

Kjörlendi

Sólríkur vaxtarstaður.

Blómalitur

Hvítur, gulur, ljósblár.

Blómgunartími

Apríl-maí.

Hæð

um 10 sm

Vaxtarlag

Hýði hnýðanna er pappírs-, leðurkennd eða eins og eggjaskurn, rifnar í hringi við grunninn. Lauf 3-7 talsins, 0,5-2,5 mm breið, styttri en blóm, venjulega grágræn.

Lýsing

Blóm gul til appelsínugul, stundum rákótt eða með bronslita eða purpuralita slikju á ytra borði, stöku sinnum rjómahvít; ginið gult, hárlaust. Ekkert hulsturblað. Stoðblöð eru 2. Blómhlífarblöð eru venjulega 1,5-3-5 sm × 5-11 mm. Frjóhnappar gulir, stundum svartleitir neðst. Stílar með 3 gula eða appelsínugula frænissepa.

Uppruni

Albanía, Búlgaría, Grikkland, S Júgóslavía, A Rúmenía, V, M & S Tyrkland.

Harka

4

Heimildir

1

Fjölgun

Fjölgað með hliðarhnýðum, hnýðin lögð í september á 6-8 sm dýpi.

Notkun/nytjar

Í steinhæðir, sem undirgróður, í blómaengi, í grasflatir.

Reynsla

Harðgerður, blómstrar fyrst allra krókustegunda (sumar sortir sennilega blandaðar páskakrókusum (C. biflorus).

Yrki og undirteg.

'Snowbunting' hvít blóm, 'Cream Beauty' ljósgul blóm, 'Zwanenburg Bronze' dökkgul/brúnleit blóm, 'Skyline' blómin ljósblá m. dekkri rákir.

Útbreiðsla

Stórblóma afbrigði af tryggðakrókus (C. chrysanthus) og afbrigð, með fjölbreytilegri liti en villitegundirnar hafa verið valin til ræktunar. Sumar plantnanna sem eru nefndar “C. chrysanthus-yrki” eru form skyld páskakrókus (C. biflorus) eða blendingar þessara tveggja tegunda.