Crataegus × almaatensis

Ættkvísl

Nafn

× almaatensis

Íslenskt nafn

Ætt

Rósaætt (Rosaceae)

Samheiti

C. dshungarica Zab.

Lífsform

Lauffellandi, lítið tré

Kjörlendi

Sól (til hálfskuggi)

Blómalitur

Hvítur

Blómgunartími

Júlí

Hæð

3-4 m

Vaxtarlag

Krónan lág, stundum runnkennt tré. Börkur gamalla greina og stofna dökkbrúnn eða brúngrár. Blómskipunargreinar hárlausar. Engir þyrnar eða aðeins fáeinir, sterklegir, glansandi, 1-2 sm langir. Laufþyrnirinn frýs gjarnan grænn og fær því ekki neina áberandi haustliti.

Lýsing

Laufin heil, stakstæð, fjaðurstrengjótt, egglaga eða oddbaugótt-egglaga, breið-tígullaga á langsprotum, odddregin og með fleyglaga grunn, grunn 5-(7) flipótt eða með flipakenndar tennur, hasstennt tennur vita upp á við, óreglulega tennt, stundum hvassydd, á stuttgreinum eru laufin 4-6 × 3-4 sm, allt að 8 × 6,5 sm á langsprotum. Ung lauf með strjála hæringu, verða hárlaus með aldrinum, dökkgræn ofan, ljósari á neðra borði. Laufleggir 1-3 sm langir. Axlablöð stór, einkum á langsprotum, breiðtígullaga, kambtennt, hanga lengi á greinunum. Blómskipunin strjálblóma, hálfsveipur með mörg blóm, hárlaus, 5-7 (allt að 9) sm í þvermál, blómin 1,3-1,8 sm í þvermál, með hvít krónublöð, bikarblöðin þríhyrnd, hvassydd, baksveigð þegar aldinið er þroskað, fræflar 20 með gulhvíta frjóhnappa, stílar 3-5. Aldinin næstum kúlulaga, um 13 mm í þvermál, lilla-svört, glansandi, lítið eitt doppótt með safaríkt aldinkjöt.

Uppruni

A Síbería og N Kína

Harka

z3

Heimildir

http://ru.wikipedia.org, http://en.hortipedia.com

Fjölgun

Haustsáning.

Notkun/nytjar

Stakstæð tré, í þyrpingar, í raðir, í stór runnabeð.

Reynsla

Í Lystigarðinum er þessi tegund ekki til, en hefur vaxið í Grasagarði Reykjavíkur í rúmlega 30 ár og reynst þar harðgerð.

Útbreiðsla

Ath. betur - nafn ekki í helstu heimildum! Crataegus almaatensis Pojark er í rússnesku flórunni og Crataegus × almaatensis Pojark í nokkrum rússneskum frælistum. Síðarnefnda nafnið er samþykkt.