Colchicum bulbocodium

Ættkvísl

Nafn

bulbocodium

Íslenskt nafn

Ætt

Liljuætt (Liliaceae).

Samheiti

Colchicum vernum (L.) Ker.-Gawler, Bulbocodium vernum L.

Lífsform

Fjölær jurt.

Kjörlendi

Sól.

Blómalitur

Bleikpurpura.

Blómgunartími

Apríl-júní.

Hæð

7-10 sm

Vaxtarlag

Fjölæringur með rótarhnýði sem er aflangt, allt að 3 sm í þvermál, hreistrin næstum svört. Lauf 3 eða 4, koma um leið og blómin en ná fullri stærð seinna, verða allt að 15 x 1,5 sm, með slíður við grunninn og útstæða blöðku.

Lýsing

Blóm stök (sjaldan 2 eða 3) rétt ofan við yfirborð jarðar, 4-8,5 sm, bleikpurpura, sjaldan hvít. Blómhlífarblöð band-lensulaga, ydd, tennt við grunninn. Blómhlíf með 6 ósamvaxin blöð, hvert skipt í tungu og langa mjóa nögl, neglur samvaxnar á tönnum eða eyrnablöðum við grunn tungunnar og mynda því pípu. Fræflar 6 með granna frjóþræði, festir við grunn tungunnar. Egglag yfirsætið, en neðanjarðar, 3-hólfa með mörg eggbú. Stíll með 3 frænissepa efst, óskiptur neðantil. Fræ hnöttótt.

Uppruni

Pýreneafjöll, SV & SM Alpar.

Heimildir

= 2, www.inaturalist.org/taxa/131603-Colchicum-bulbocodium

Fjölgun

Sáning (nýtt fræ), skipting á hnausnum þegar plantan er í dvala. Hnýði sett niður í ágúst, 10-15 sm djúpt.

Notkun/nytjar

Í kanta, í steinhæðir. Verður langlíf þar. Þetta er eitruð planta.

Reynsla

Í Lystigarðinum eru til tvær plöntur undir þessu nafni, til annarrar var sáð 1989 og hún gróðursett í beð 1992, hin kom sem hnýði sem voru gróðursett í beð 2010, þrífst vel.