Clematis alpina

Ættkvísl

Nafn

alpina

Íslenskt nafn

Ætt

Sóleyjarætt (Ranunculaceae)

Lífsform

Klifurrunni

Kjörlendi

Sól (hálfskuggi)

Blómalitur

Fjólublár eða gulhvítur

Blómgunartími

Maí-júní

Hæð

1-2,5 m

Vaxtarlag

Runni sem vefur sig upp t.d. grindur eða er skríðandi, stöngull er hnýttur af stórum gagnstæðum brumum og visnum blaðfótum. Greinar hárlausar, strendar.

Lýsing

Vafningsviður, allt að 2 m hár. Lauf tvisvar sinnum þrískipt, smálauf, egglensulaga, tennt, allt að 5 sm. Blómin stök, hangandi, vaxa á fyrra árs greinum. Blómin eru meira eða minna bjöllulaga. Blómhlífarblöð 4, egglaga, langydd, þétthærð utan, fjólublá eða gulhvít, 3-5 sm. Gervifræflar hálf lengd blómhlífarblaða, gulhvítir en upplitast með aldrinum og verða fjólubláir. Smáhnetur tígullaga, gáróttar með langæja fjaðurformaða stíla.

Uppruni

N & M Evrópa, Asía.

Harka

H1

Heimildir

2

Fjölgun

Vorsáning, sumargræðlingar, sveiggræðsla að vori.

Notkun/nytjar

Á grindur, girðingar, ef til vill upp tré og ef til vill til að þekja jarðveg.

Reynsla

Hefur reynst harðgerð í Lystigarðinum (kal:0-1,5) og auðræktuð. Þarf stuðning eigi hún að klifra upp veggi og má þá nota hverskonar net eða grindur til að auðvelda henni það. Má klippa eftir blómgun og endurnýja með stífri klippingu á nokkurra ára fresti.

Yrki og undirteg.

Gríðarlegur fjöldi yrkja í ræktun, fá þeirra í garðinum, þau þrífast að jafnaði síður og kala aðeins meira (k:3) en þó er 'Ruby' undantekning þar á (k:0-1). Einnig má nefna 'Bluebell' með blá blóm, 'Pamela Jackman' sæblá, 'Pauline' dökkblá, 'Columbine' lavenderblá, 'Frances Rivis' djúpblá og mörg fleiri.