Cercidiphyllum japonicum

Ættkvísl

Nafn

japonicum

Íslenskt nafn

Ætt

Hjartatrjáaætt (Cercidiphyllaceae)

Lífsform

Lauffellandi tré.

Kjörlendi

Sól.

Blómalitur

Grænn-rauðleitur.

Blómgunartími

Blómin koma á undan laufinu, springa út í mars-apríl, eru græn og ekki áberandi, eru einkynja.

Hæð

- 20 m

Vaxtarlag

Stórt, lauffellandi sérbýlistré, 13-20 m hátt og 6-10 m breitt í heimkynnum sínum. Einn bolur eða bolur sem skiptist í nokkra stofna, sum trén eru pýramídalaga önnur með útstæðar greinar og þétta krónu.

Lýsing

Laufin heil, 5-10 × 3-7,5 sm, gagnstæð, breiðegglaga, grunnur hjartalaga, jaðrar fínbogtenntir, handstrengjótt og raðað í gorm á stuttum sprotum, fjaðurstrengjótt og gagnstæð á löngum sprotum. Laufin eru rauð fyrst á vorin verða blágræn þegar líður á sumarið, dökkblágræn ofan, bláleit neðan, verða skærgul til aprikósulit- skarlatsrauð að haustinu, eru með púðursykursilm. Laufleggur 2 sm, axlablöð skammæ. Börkur er brúnn, loðinn og flagnar af gömlum bolum, börkur djúprákóttur. Ársprotar tvennskonar, rauðbrúnar, glansandi, grannar eða beinar stuttar dverggreinar með klólaga brum. Blómin rauð. lítt áberandi, stök eða nokkur saman, engin krónublöð, karlblóm næstum legglaus í lauföxlunum, fræflar 15-30 með rauða frjóhnappa, kvenblóm með 3-5 frævur með purpura stíla. Aldin eru trékennd fræhulstur sem minna á hýði, 2-4 saman á legg, hrímug, með mörg smá, flöt, vængjuð fræ, þegar þau opnast.

Uppruni

V Kína og Japan.

Harka

3

Heimildir

1, http://www.hort.uconn.edu

Fjölgun

Sáning. -- Ekki auðvelt að flytja. Þarf frjóan, rakan vel framræstan jarðveg

Notkun/nytjar

Tré til að hafa á stórum grasflötum, hægt að nota sem götutré. __ Vökvið ef þurrt er í veðri.

Reynsla

Í Lystigarðinum er til ein aðkeypt planta sem var gróðursett í beð 2001, falleg planta sem kelur lítið eitt árlega.