Campanula rapunculoides

Ættkvísl

Nafn

rapunculoides

Íslenskt nafn

Ætt

Campanulaceae (Bláklukkuætt)

Samheiti

C. cordifolia C. Koch, C. rhomboidea Falk., C. rhomboidalis Gorter, C. trachelioides Bieberstein, C. lunariaefolia Reichenbach, C. setosa Fischer

Lífsform

Fjölær jurt

Kjörlendi

Sól, hálfskuggi

Blómalitur

Ljósblár, stöku sinnum hvítur

Blómgunartími

Ágúst-sept.

Hæð

0.6-1 m

Vaxtarlag

Breytileg planta, hárlaus til stutt dúnhærð og/eða þornhærð, fjölær með skriðula, grófa og greinótta jarðstöngla, sem vaxa fljótt og stundum er plantan með langar renglur. Blómstönglar allt að 1 m háir, ógreindir, uppréttir, laufóttir og ögn rákóttir.

Lýsing

Stofnstæðu laufin allt að 10 sm, egglaga til hjartalaga-langydd, bogtennt eða með tennur sem vita fram á við, legglöng. Stöngullauf egglaga til lensulaga með snubbóttan grunn, tennt, stuttstilkuð neðan til en stilklaus efst.Blóm oftast með stutta, aftursveigða leggi, drúpandi á greinóttum, einhliða klasa. Bikarflipar aflangir til þríhyrndir-lensulaga, útstæðir til niðurstæðir við blómgun. Enginn aukabikar. Króna allt að 3 sm, trektlaga til bjöllulaga, klofin allt að 1/3, flipar egglaga, yddir, purpurabláir til fjólubláir. Stíll nær næstum ekki út úr blóminu. Hýði ± hnöttótt, drúpandi, opnast með 3 götum neðst.

Uppruni

Evrópa til N & NV Íran, M Asía & V Síbería

Harka

3

Heimildir

1,2

Fjölgun

Skipting, sáning

Notkun/nytjar

Blómaengi, sumarbústaðaland, undirgróður

Reynsla

Harðger og bráðfalleg en varasöm í garða. Þrífst mjög vel og hefur verið lengi í ræktun í görðum hérlendis. Er víðskriðul og mjög ágeng. Ætti bara að hafa með hálfvilltum gróðri en ekki í skrautbeði með öðrum plöntum.