Campanula gieseckiana

Ættkvísl

Nafn

gieseckiana

Íslenskt nafn

Ætt

Campanulaceae

Lífsform

fjölær

Kjörlendi

sól

Blómalitur

fjólublár

Blómgunartími

júlí-sept.

Hæð

0.05-0.40 m

Vaxtarlag

Fjölæringur, 5-40(-60) sm hár. Grænlandsbláklukka tilheyrir bláklukkuhópnum (C. rotundifolia-group). Hún er frábrugðin sjálfri bláklukkunni (C. rotundifolia) einkum í því að blómskipunarleggirnir eru stuttir og mjög sjaldan greinóttir. Þar að auki er aukabikarinn mjög stuttur og breiður, bikarfliparnir mjókka frá breiðum grunni. Mjög breytileg tegund.

Lýsing

Stofnstæðu laufin visna snemma. Þau eru kringlótt, hjarta- til nýrlaga. Stöngullaufin eru mjólensulaga neðst en bandlaga ofar á stilknum og flest á neðri helmingi hans. Ein- til fáblóma klasar með bláum blómum (sjaldan hvítum). Krónuflipar miklu styttri en krónupípan. Fræflar og frjó hvítleit. Blómgast í júlí-september. Hýði drúpir þegar fræið er fullþroska og göt koma neðst á það.

Uppruni

Grænland

Heimildir

Böcher 1966: Grønlandsflora

Fjölgun

skipting, sáning

Notkun/nytjar

steinhæðir, skrautblómabeð

Reynsla

Grænlandsklukka hefur lengi verið í Lystigaðinum. ! Þroskaði fræ '95, 2004

Yrki og undirteg.

Campanula gieseckiana ssp. gieseckiana Vest ex J.A. Schultes. Blómin eru smá til meðalstór (u.þ.b. 2 sm löng og með u.þ.b. 2 sm breitt op), stök eða fá í klasa. Sérlega stórblóma einstaklinga (v. arctica (Lge) Bøcher) oft með 6 krónublöð er erfitt að greina frá ssp. groenlandica. Plöntur með stök, lítil blóm nefnast v. uniflora (Lge) Bøcher.Campanula gieseckiana ssp. groenlandica (Berlin) Bøcher. Blóm meðalstór til stór, oft mjög opin með 5-7 flipa, u.þ.b. 2,3 sm löng og með 2,8 sm breitt op, stök eða í fáblóma klösum.