Betula lenta

Ættkvísl

Nafn

lenta

Íslenskt nafn

Ætt

Bjarkarætt (Betulaceae)

Samheiti

B. carpinifolia.

Lífsform

Tré

Kjörlendi

Sól-hálfskuggi

Blómalitur

Grænleitur til kakóbrúnn

Blómgunartími

Apríl-maí

Hæð

10-15 m (-25 m)

Vaxtarhraði

Hraðvaxta

Vaxtarlag

Tré, allt að 25 m hátt í heimkynnum sínum, upprétt, mjóslegin og regluleg í vextinum, litur á berki minnir á lit kirsuberja, dökkrauðbrúnn til næstum svartur þegar hann er fullþroskaður, djúprákóttur en flagnar ekki, brúnn með purpura slikju meðan hann er ungur, ilmandi, sætur. Ársprotar silkidúnhærðir meðan þeir eru ungir, seinna hárlausir.

Lýsing

Lauf 6-12 sm, egglaga-aflöng, hvass tvísagtennt, hjartalaga við grunninn, hvassydd til langydd, dökk glansandi græn ofan, ljósari neðan, gullgul að haustinu, silkidúnhærð neðan meðan þau eru ung, æðastrengir í 9-12 pörum, laufleggir 0,5-2,5 sm, hærðir. Karlreklar 5-8 sm. Þroskaðir kvenreklar 2-3,5×1 sm, uppréttir, aflangir-egglaga, næstum legglausir, reklahreistur með breiðari hliðaflipa en miðflipann, hárlaus. Smáhnotir 2×1,5 mm, egglaga, með mjóan væng. Blandast auðveldlega öðrum tegundum af ættkvíslinni (Betula).

Uppruni

Austur N-Ameríka.

Harka

Z3

Heimildir

= 1, http://www.pfaf.org

Fjölgun

Sáning, sumargræðlingar

Notkun/nytjar

Stakstætt tré, í þyrpingar. Auðræktuð planta, sem þrífst vel í vel framræstum, leirkenndum jarðvegi á skjólgóðum stöðum. Vex í þungum leirjarðvegi, en alls ekki í blautum. Skuggþolin. Sætbjörkin er talið þola um 60 til 150 mm ársúrkomu og meðalárshita 5-12°C.

Reynsla

Í Lystigarðinum er til ein planta undir þessu nafni sem sáð var til 1998 og gróðursett í beð 2001, kelur ögn.