Betula kenaica

Ættkvísl

Betula

Nafn

kenaica

Íslenskt nafn

Alaskabjörk

Ætt

Bjarkarætt (Betulaceae)

Samheiti

Betula kamtschatica (Regel) V. N. Vassiljev v. kenaica (W. H. Evans) C. A. Jansson; B. neoalaskana Sargent v. kenaica (W. H. Evans) B. Boivin; B. papyrifera Marshall v. kenaica (W. H. Evans) A. Henry

Lífsform

Tré

Kjörlendi

Sól

Blómalitur

Grænleitur til kakóbrúnn

Blómgunartími

Síðla vors

Hæð

7-10 m

Vaxtarhraði

Hraðvaxta

Vaxtarlag

Tré allt að 12 m hátt í heimkynnum sínum, krónan mjó. Vex hratt, en er skammlíf. Börkur dökkrauðbrúnn, verður stundum bleikleitur eða gráhvít, sléttur, fullþroskaður flagnar hann í þunnar flögur, korkblettir dökkir, láréttir. Ársprotarnir hvorki með bragð né ilm, lítt eða dálítið dúnhærð, oft með kvoðukirtla á strjálingi.

Lýsing

Laufblaðkan egglaga, tennt, með 2-6 pör af æðastrengjum 4-5(-7,5) × 2,5-4,5 sm, grunnur bogadreginn til fleyglaga, jaðrar gróf-tvísagtennt til tennt, tennur tiltölulega hvassar, hvassydd til stuttoddregin, neðraborð lítt eða dálítið dúnhærð einkum eftir aðalæðastrengnum og í vikjum æðastrenganna, oft með kvoðukirtla á strjálingi. Blómin eru einkynja (hvert einstakt blóm er annað hvort karlkyns eða kvenkyns en bæði kynin er að finna á sömu plöntunni. Vindfrævun. Þroskaðir kvenreklar uppréttir til næstum hangandi, sívalir 2-5 × 0,5-1 sm, með fræ á stangli á haustin, hreistur randhærð, flipar skiptast um miðju, næstum jafnlangir mjög útstæðir, hnotir með vængi, sem eru jafn breiðir til dálítið mjórri en fræið, breiðastur um miðju, nær ekki upp fyrir fræið.Þessi tegund er náskyld næfurbjörk (B. papyrifera) og er ef til vill ekki annað en undirtegund þeirrar tegundar.Myndar auðveldlega blendinga með öðrum tegundum ættkvíslarinnar (Betula).

Uppruni

Norðvestur N-Ameríka Alaska.

Sjúkdómar

Tréð er mjög viðkvæmt fyrir hunangssvepp.

Harka

Heimildir

= 1, http://www.pfaf.org

Fjölgun

Sáning, sumargræðlingar

Notkun/nytjar

Sem stakstæð tré, í þyrpingar, í raðir.

Reynsla

Vex vel t. d. í Kjarnaskógi og hefur náð þar 4-6 m hæð, einnig talið að nokkur gömul tré séu í Gróðrastöðinni gömlu á Akureyri og í Ránargötu 3 (af fræi safnað af Jóni Rögnvaldssyni, sem fór oftar en einu sinni vestur um haf á árum áður) - þarf að skoða betur!