Antennaria aromatica

Ættkvísl

Antennaria

Nafn

aromatica

Íslenskt nafn

Ilmlójurt*

Ætt

Körfublómaætt (Asteraceae).

Lífsform

Fjölær jurt.

Kjörlendi

Sól.

Blómgunartími

Júlí-fyrri hluti ágústs (Blóm/fræ).

Hæð

2-7 sm

Vaxtarlag

Ilmlójurt er lágvaxin, fjölær jurt sem myndar breiður, 2-5 sm há og vex upp af trjákenndum jarðstönglum.

Lýsing

Sérbýli. Hver og ein planta er einkynja. Plönturnar 2-7 sm (stönglar með kirtilhár, hárin með legg). Ofanjarðarrenglur 0,5-2,5 sm. Grunnlauf 1-tauga, oftast fleyglaga-spaðalaga, stundum öfuglensulaga, 5-16 × 3-10 mm, broddydd. Bæði borð grá-dúnhærð (og með leggjuð kirtilhár, lifandi lauf með sítrónuilm eða ilm af appelsínuberki ef þau eru marin). Stöngullauf bandlaga, 2-14 mm, ydd. Körfur stakar eða 2-5 í sveiplíkri blómskipun. Karlreifar 4,5-6,5 mm, kvenreifar 5-7(-9) mm. Stoðblöðin ljósbrún, dökkbrún eða ólífugræn efst. Karlkrónur 2,5-3 mm, kvenkrónur 3,5-4,5 mm. Fræhnot 0,9-2 mm, ögn nöbbótt. Karlsvifhárkrans 3-4mm, kvensvifhárakrans 4,5-5,5 mm.

Uppruni

Endemísk í SV Montana og NV Wyoming.

Heimildir

www.eFloras.org Flora of North America, http://www.uwyo.edu

Fjölgun

Skipting, sáning.

Notkun/nytjar

Í beðkanta, steinhæðir. Vex helst á gróðurlitlum hryggjum og tindum við eða ofan við trjálínu í sprungum,skriðum og grýttum kalksteinsjarðvegi í 1500-3600 m h. y. s.

Reynsla

Í Lystigarðinum ar til ein planta sem sáð var til 2010, reyndist skammlíf.