Alnus viridis

Ættkvísl

Nafn

viridis

Ssp./var

ssp. fruticosa

Höfundur undirteg.

(Rupr.) Nyman

Íslenskt nafn

Ætt

Bjarkarætt (Betulaceae)

Samheiti

Alnus fruticosa Rupr. , Alnus viridis v. sibirica Rgl.

Lífsform

Runni - lítið tré

Kjörlendi

Sól

Blómgunartími

Vor

Hæð

5-10 m

Vaxtarhraði

Hægvaxta

Vaxtarlag

Lauffellandi tré eða runnar með útréttar greinar, allt að 3(-10) m háir. Greinar rauðbrúnar í fyrstu, verða grábrúnar, korkblettir ljósir, fáir.

Lýsing

Laufblaðkan dökkgræn, breiðegglaga, 5-8(-10) × 3-6(-7) sm, grunnur bogadreginn til næstum þverstýfður eða næstum hjartalaga. Jaðrar sléttir, hvass- og þétt- tvísagtenntir, laufin hvassydd til stutt-odddregin, neðra borð hárlaust til lítillega dúnhærð, einkum á æðastrengjum, dálitið til mjög kvoðuborin. Æðastrengjapör 7, stöku sinnum allt að 10. Laufleggir 0,5-1 sm langur. Blómskipanir: karlreklar 3,5-6 sm. kvenreklar 1,2-2 × 0,5-1,2 sm, vaxa úr endabrumi, blómskipunarleggir 1-3 sm.

Uppruni

Síbería, Mansjúría

Harka

2

Heimildir

1, www.wFloras.org Flora of N America, http://en.wikipedia.org

Fjölgun

Sáning - sumargræðlingar

Notkun/nytjar

Vex á grýttum, sendnum ströndum, lækjarbökkum, vatnsbökkum og á votum skóglausum svæðum, 0-500 m h.y.s. Hrísölur er stundum ræktaður til að græða upp magran jarðveg með skógi, þar sem hann gerir jarðveginn næringarefnaríkari með hjálp hnúða með níturbindandi gerlum. Þar sem tegundin verður ekki nógu stórvaxin til að keppa við stórvaxin trjátegundir taka þær seinna yfir.

Reynsla

Í Lystigarðinum er til ein planta sem sáð var til 1988 og gróðursett í beð 2000. Þrífst vel, kelur ekki mikið en vex sem lítið tré - fremur hægt - haustar snemma (Spont.: USSR - Jacutat). Aðeins í fáu frábrugðin Alnus viridis - grænelri (náskyld)