Aconitum tanguticum

Ættkvísl

Nafn

tanguticum

Íslenskt nafn

Ætt

Sóleyjarætt (Ranunculaceae).

Lífsform

Fjölær jurt.

Kjörlendi

Sól - dálítill skuggi.

Blómalitur

Blápurpura.

Blómgunartími

Júlí-ágúst.

Hæð

8-50 sm

Vaxtarlag

Stöngulstofn spólulaga eða öfugkeilulaga, um 2 sm. Stönglar 8-50 sm háir, greindir eða ógreindir, með ogn af niðursveigðum eða aðlægum dúnhár eða næstum hárlaus. Grunnlauf 7-9 með langan legg, leggurinn 3,5-14 sm, hárlaus, grunnur greipfættur, laufblaðkan kringlótt eða kringlótt-nýrlaga, 1,1-3 x 2-6,8 sm, hárlaus bæði ofan og neðan, 3-flipótt, fliparnir grunnflipóttir, jaðrar með bogformaðar tennur. Stöngullauf 1-2(-4), oftast leggstutt, minni en grunnlaufin.

Lýsing

Blómskipunin endastæð með 3-5 blóm, aðalblómskipunarleggur og blómleggir meira eða minna þéttdúnhærð, hárin vita niður á við, Stoðblöð bandlaga eða stundum eru þau neðstu 3-skipt. Neðstu blómskipunarleggirnir (1-)2,5-4,5(-6,5) sm, efstu styttri með 2 smástoðblöð, smástoðblöðin egglaga til breiðbandlaga, 2-2,5 mm. Bikarblöð blápurpura, sjaldan grænleit, dúnhærð neðan, neðri bikarblöðin breið-oddbaugótt eða oddbaugótt-egglaga, hliðarbikarblöðin 1,1-2,1 sm löng og breið, efri bikarblöðin kjallaga, 6-8 mm breið, neðri jaðar ögn íhvolfur eða hálfuppréttur, 1,4-2,2 sm há. Krónublöð ögn bogin, hárlaus, nöglin mjög smá, 0,6-1,5 mm, vörin ógreinileg, dálítið íhvolf, sporinn beinn, stuttur. Fræflar dálítið dúnhærðir, frjóþræðir heilrendir eða 2-tenntir. Frævur 5, dúnhærðar eða hárlausar. Fræhýði um 1 sm. Fræin öfugegglaga, 2-2,5 mm.

Uppruni

Kína (S Gansu, A Qinghai, Shaanxi, V Sichuan, A Xizang, NV Yunnan).

Heimildir

= www.efloras.org/florataxon.aspx?flora-id=200007370,

Fjölgun

Sáning, skipting.

Notkun/nytjar

Í skrautblómabeð, í þyrpingar, í raðir.

Reynsla

Ekki í Lystigarðinum. Myndirnar eru teknar í Grasagarði Reykjavíkur.

Yrki og undirteg.

var. tanguticum er með hárlaus eggleg, en var. trichocarpum er með dúnhærða eggleg.