Rorippa islandica

Ættkvísl

Nafn

islandica

Íslenskt nafn

Ætt

Brassicaceae (Krossblómaætt)

Samheiti

Rorippa terrestris (Curtis) FussSisymbrium islandicum Gunnerus

Lífsform

Tvíær jurt

Kjörlendi

Vex í tjarnarstæðum, á tjarnarbökkum, í lækjarfarvegum og á rökum áreyrum.

Blómalitur

Gulur

Blómgunartími

Júlí

Hæð

0.03-0.20 m

Vaxtarlag

Stönglar hárlausir, gáróttir, jarðlægir, uppréttir eða uppsveigðir, 3-20 sm á hæð.

Lýsing

Blöðin 1-4 sm á lengd, afar breytileg að gerð, fjaðurflipótt eða fjaðurskipt, einkum neðan til. Smáblöðin heilrend, tennt eða sepótt, endasmáblaðið oft áberandi stærra en hin. Blómin fjórdeild, smá um 3 mm í þvermál, mörg saman í blómmörgum, stilklöngum klösum úr blaðöxlum. Krónublöðin heldur lengri en bikarinn, gul, mjó, spaða- eða tungulaga innan við 2 mm á lengd. Bikarblöðin bleikleit eða grænfjólublá, himnurend. Fræflar sex og ein fræva um 1 mm á lengd. Aldin sívalur lítið eitt boginn skálpur, 7-10 mm á lengd og 2-2,5 mm á breidd, með löngum og mjög útstæðum leggjum. Blómgast í júlí. LÍK/LÍKAR: Engar.

Heimildir

1,2,3,9

Útbreiðsla

Útbreidd á Suðvesturlandi frá Hvalfirði að Þjórsá, og einnig á miðju Norðurlandi frá Fljótum austur í Öxarfjörð. Sjaldgæf annars staðar. Önnur náttúruleg heimkynni t.d.: Evrópa, Kanada, Eþíópía, Grænland, Kína, Japan, Mexíkó, Nýja Sjáland, N Ameríka ov.