Potamogeton natans

Ættkvísl

Nafn

natans

Íslenskt nafn

Ætt

Potamogetonaceae (Nykruætt)

Samheiti

Potamogeton morongii A.Benn.

Lífsform

Fjölær vatnajurt (einkímblöðungur)

Kjörlendi

Vex í tjörnum, stöðuvötnum, skurðum og jafnvel í lækjum.

Blómalitur

Óásjáleg blóm - grágrænt ax

Blómgunartími

Júlí-ágúst

Hæð

0.30-1 m (eftir vatnsdýpt)

Vaxtarlag

Fjölær, einkímblaða vatnajurt, vex á kafi að öllu eða einhverju leyti, stór og grófgerð með greindum stönglum og grágrænum blöðum, 30-100 sm á hæð eftir vatnsdýpt.

Lýsing

Flotblöðin oddbaugótt eða aflöng,, 4-9 sm að lengd og um 1 ,5-3 sm á breidd, bogstrengjótt með skörpum miðstreng, oft mjög stilklöng. Slíðurhimnan alllöng, þykk og stinn. Séu kafblöð til staðar eru þau lensulaga með grópuðum blaðstilk, en neðstu blöðin oftast blöðkulaus vegna rotnunar. Blómin tvíkynja, fjórir fræflar og fjórar frævur. Blómin smá og mörg saman í axi. Axið grágrænt, 1,5 -4 sm á lengd og stendur upp úr vatninu. Aldin allstór, gulleit og gljáandi. Blómgast í júlí-ágúst. LÍK/LÍKAR: Grasnykra. Blöðkunykran þekkist best á því, að kafblöð vantar oft og/eða að þau eru meira og minna blöðkulaus.

Heimildir

1,2,3,9, HKr

Útbreiðsla

Algeng í vötnum á Suðvesturlandi frá Þjórsá vestur á Snæfellsnes, og á Fljótsdalshéraði. Á nokkrum stöðum öðrum, einkum á Norðurlandi vestanverðu. Önnur náttúruleg heimkynni t.d.: N Ameríka, Evrópa, Temp. Asía ov.