Lomatogonium rotatum

Ættkvísl

Nafn

rotatum

Íslenskt nafn

Ætt

Gentianaceae

Samheiti

Pleurogyne rotata (L.) Griseb.Lomatogonium rotatum subsp. tenuifolium (Griseb.) Porsild

Lífsform

Einær jurt

Kjörlendi

Vex aðallega í deiglendi á grónum bökkum meðfram ám og á áreyrum einkum þar sem sendið er.

Blómalitur

Ljósblár

Blómgunartími

Júlí-ágúst

Hæð

0.05-0.20 (-0.25) m

Vaxtarlag

Fremur lágvaxin einær tegund, 5-18 (-25) sm á hæð. Upp frá rót vaxa nokkrir stinnir, dökkfjólubláir, hárlausir, oft marggreindir stönglar, sem greinast við blaðaxlir, og endar hver grein í einu blómi.

Lýsing

Stofnblöðin spaðalaga, stilklaus. Stöngulblöðin stilklaus, gagnstæð, lensulaga - striklensulaga, 5-20 mm á lengd, hárlaus. Blómin ljósblá. Krónan fimmdeild, 9-15 mm í þvermál. Krónublöðin íhvolf, nokkuð breið, odddregin. Bikarinn djúpklofinn með fimm, mislöngum, mjóum flipum, álíka löngum eða lengri en krónublöðin. Fræflar 5. Ein stíllaus fræva, stór og bláleit. Frænið myndar tvær rákir niður eftir henni endilangri. Blómgast í júlí-ágúst. 2n=10.LÍK/LÍKAR: Auðþekkt frá öðrum fimmdeildum, bláum blómum, m.a. á yddum krónublöðum (sjá þó dýragras). Frænisrákirnar einkennandi fyrir tegundina.

Heimildir

1,2,3,9, HKr

Útbreiðsla

Allvíða á Norður- og Austurlandi, annars fremur sjaldgæf. Algengust í innsveitum á Norðausturlandi. Önnur náttúruleg heimkynni t.d.: Hefur mjög sérstæða útbreiðslu utan Íslands; Vex nyrst á Kólaskaga og þaðan austur um norður- og norðausturhluta Asíu og í norðurhluta N-Ameríku og á Grænlandi.