Gentianella aurea

Ættkvísl

Nafn

aurea

Íslenskt nafn

Ætt

Gentianaceae (Maríuvandarætt)

Samheiti

Arctogentia aurea (L.) A. LoveGentiana aurea L.

Lífsform

Tvíær jurt

Kjörlendi

Vex í graslendi, brekkum, gilkinnungum, melum og sandflesjum nálægt sjó og víðar.

Blómalitur

Fölfjólublár

Blómgunartími

Júní-júlí

Hæð

0.05-0.15 m

Vaxtarlag

Jurt, 5-15 sm á hæð. Stönglar uppréttir og/eða uppsveigðir, skarpstrendir eða vængjaðir, hárlausir. Aðalstöngull greinist neðantil, hliðargreinar uppsveigðar og allar grennri og styttri en aðaðalstöngullinn.

Lýsing

Stöngulblöðin fá, tvö efstu standa rétt neðan við toppblómin og mynda reifar um þau. Stöngulblöðin annars stilklaus, egglaga, heilrend, odddregin í endann en niðurbreið. Grunnblöðin og jafnvel neðstu stöngulblöðin niðurmjó, stuttstilkuð, öfugegglaga eða spaðalaga.Blómin fölfjólublá í efri enda, oft grænhvít neðan til, oftast allmörg saman í hnapp, rétt ofan við fjögur allstór laufblöð. Pípulaga, samblaða króna. Krónublöðin oftast 5, en stundum 4, oft blámenguð. Krónan tiltölulega lítil, 4-5 mm í þvermál og 7-8 mm á lengd. Krónuflipar odddregnir, engir ginleppar að innanverðu. Bikarinn klofinn niður fyrir miðju í 4-5 flipa. Bikarfliparnir örlítið styttri en krónuflipar, mjóir (-1 mm), misstórir. Fjórir fræflar, ein fræva. Aldin hýði. Blómgast í Júní-júlí.LÍK/LÍKAR: Maríuvendlingur. Gullvöndurinn auðgreindur frá honum á fjólubláleitari blómum með styttri krónupípu og þéttri blómskipan, gjarnan mörg blóm saman í þyrpingu.

Heimildir

1,2,3,9,HKr

Útbreiðsla

Algengur um land allt. Önnur náttúruleg heimkynni t.d.: Grænland, Skandinavía, Mexíkó