Corallorhiza trifida

Ættkvísl

Nafn

trifida

Íslenskt nafn

Ætt

Orchidaceae (Brönugrasaætt)

Samheiti

Corallorhiza innata R. Br.Corallorhiza neottia Scop.

Lífsform

Fjölær jurt

Kjörlendi

Vex í mögru mólendi, hálfdeigjum og kjarri.

Blómalitur

Dökkmóleitur - gulhvítur, fjólubláar dröfnur,

Blómgunartími

Júní-júlí(ág)

Hæð

0.08-0.15 m

Vaxtarlag

Móbrún, nær blaðgrænulaus jurt. Jarðstönglar afar sérkennilega marggreindir, mjög kræklóttir, hjárótalausir, greinarnar stuttar og hnöllóttar. Stöngullinn móleitur, með nokkrum blöðkulausum, móbrúnum blaðslíðrum sem víkka í munnann, 8-18 sm á hæð. Ekki auðvelt að koma auga á hana í náttúrunni.

Lýsing

Blómin yfirsætin, fremur óásjáleg, nokkur saman í gisnum klasa efst á stönglinum um 7 mm á lengd. Blómin tvö til átta, gulleit með ljósleitri, dálítið ljósbládröfnóttri vör. Ytri blómhlífarblöðin dökkmóleit. Innri blómhlífarblöðin gulgrænleit eða gulhvít með fjólubláum dröfnum, tvö blöð af þeim innri vísa upp og eitt (vörin) vísar niður. Frævan undir blómhlífinni. Aldinin oddbaugótt, með fjölmörgum, örsmáum fræjum, 7-10 mm á lengd. Enginn spori. Blómgast í júní-júlí. LÍK/LÍKAR: Engar.

Heimildir

1,2,3,9, HKr

Útbreiðsla

Allalgeng um allt land, en vex mjög strjált.Önnur náttúruleg heimkynni t.d.: Arktísk tegund, vex um allt Norðurhvel, pólhverf; Grænland, Kanada, N Ameríka, Evrópa, Asía.